Palubog na ang araw at kauuwi ko pa lang galing sa bukid. Pawisan at pagod, pero nakakagaan sa pakiramdam lalo na’t marami kaming na-harvest ng mga tauhan ko na mga gulay at prutas.
Pumasok ako sa bahay, nagpalit ng damit, at lumabas muli para umupo sa balcony. Nagtimpla lang ako ng mainit na kape habang pinapanood ang paglubog ng araw. Sa mesa, nakahanda na yung mga sinapot na inihanda ng kasambahay para sa meryenda.
Tahimik ako na humihigop ng kape ng marinig ko ang nagsalita sa likod ko.
“What do you think of Elizabeth?”
Napalingon ako sa aking ina. Nakatayo ito sa likuran ko, hawak ang sarili niyang tasa ng kape at nakatingin sa akin ng seryoso.
“Kailangan ko ba siyang isipin?” medyo pilosopo at matipid kong sagot sabay ibinalik ang aking tingin sa aking kape.
“Tsk! Alam mo sa
