Pagdating namin sa bahay ng anak ni Manang Jenny, napangiti ako kasi sobrang aliwalas tingnan. Hindi naman kalakihan pero hindi rin maliit, sakto lang para sa isang maliit na pamilya, tapos may dalawang kwarto pa para sa mga bisita.
May dalawang anak pala si Manang, ang babae na bunso ay may sarili na ring pamilya. May isang anak at ang asawa ay Architect. Habang ang panganay na lalaki daw, single pa rin.
“Dalaga ka pa ba, Elizabeth?” tanong ni Joana.
Hindi ko alam ang isasagot ko. Pero base sa sitwasyon ko, wala akong anak at hindi naman ako kasal, so I guess dalaga pa nga ako.
“Hmmm… Single,” sagot ko nang nakangiti pero medyo alanganin.
“Sakto kay Kuya Dior! Mommy, diba nasa isla na lang yun nakatira ngayon? Ireto muna kaya?” masiglang sabi ni Joana sa kanyang ina.
“Hay naku! Wag
