الجزء السادس

1412 Words

في بداية الجزء مع اول ابليس انكشف قدامنا من البداية كان هو الاب..ابو احلام ويوسف وفكرية وابراهيم اد ايه كان بيمثل على اخته المسكنة علشان يعرف يستغلها ويستنزف شقا جوزها لحد ماظهرت حقيقته وكان سبب في خراب بيتها وبهدلتها ب بناتها طول عمرهم.. ولسه القصة فيها ابليس تاني كانت فكرية مش لاقية كلام تقوله ل نوسة اللي كانت اول مرة دموعها تنزل قدام حد حاولت فكرية تطبطب عليها لكن نوسة واللي جواها كان اقوى من انها تقبل تعاطف فكرية معاها برغم ان فكرية اصلا محتاجة اللي يعطف عليها نوسة بعد مامسحت دموعها: يلا احنا اتأخرنا ولسه مشتريناش حاجة فكرية: نوسة والله عمرنا ماسمعنا الكلام اللي انتي قولتيه ده نوسة: انسي اللي سمعتيه سمعانك ليه لا هيغير حاجة ولا يخلي اللي حصل ميحصلش..بصي يافكرية علشان اريحك انتم مالكمش ذنب في اللي بيحصل اه ومش انتم اللي المفروض تتأذوا لكن انا واختى كمان اتأذينا من غير ذنب ف انتم بقى لازم غصب عنكم تقبلوا اللي بيحصل وترضوا بنصيبكم اللي امك وابوكي هما السبب فيه وبلاش عمتك تعرف انك عرفتي علشان ده ممكن يغيظها اكتر واكتر ان الكلام ده اتفتح وكرهها يزيد وبهدلتها فيكم تزيد فكرية: يانوسة اكرهونا شغلوني خدامة امسحلكم جذامكم حتى والله انا راضية احنا من يوم ماجينا للدنيا دى راضيين ب اي حاجة لكن يرضيكي اللي هيحصل فيا انا موافقة اشتغل في اي حتة حتى لو الم زبالة من الشارع والله العظيم مش هقول لاء لكن اعيش في الحرام ازاي يانوسة نوسة:انتى مشكلتك بقى في عيشتك في الحرام ولا علشان الراجل عجوز فكرية: اخص عليكي يانوسة انتى علشان شايفة امى وخالتي مش مظبوطين يبقى لازم احنا كمان نبقى كده نوسة: العِرق دسّاس ياختي فكرية: هي مش امك تبقى عمتي لما ابوكي سابكم وهي حبيت تشتغل عليكم ..اشتغلت في الحرام نوسة: فشر امى ست الستات فكرية: اهى امك دى عرق من العروق الدساسة شوفتي بقى ان الحرام حرام مع عجوز ولا حتى شاب حليوة نوسة سكتت والكلام نوعا ما اقنعها فكرية: الهي يستر عرضك يانوسة ساعديني ابوس ايدك ورجلك ساعديني نوسة: يلا نجيب الجلاليب عمتك هتفضحنا على التأخير ده فكرية : هتساعديني نوسة : يلا امشي ..... عند احلام اتعرفت على البيت وعلى طبيعة شغلها وابتديت تقف في المطبخ تتعلم الاكلات بتاعتهم من الطباخة اللي احلام هتستلم مكانها وقفت جنب الطباخه اللي علمتها اول صنف من الاصناف العربية وطلبت منها انها هى تخرج معاها علشان تعلمها ازاي لو طلبوا منها تحضر السفرة تقدر تحضرها وفعلا خرجت معاها وابتديت تركز وتتعلم من الطباخة وفي الوقت ده نزلت غِنا من اوضتها و ابتديت تتكلم هايل عايزاكى ي احلام تتعلمي بسرعة بحب نفس المصريين في اكلي اوى احلام: حاضر ياهانم انا بتعلم بسرعة والله علشان تتفاجئ بصوت حاد جاي من وراها ب لغة البلد بتاعتهم: لحد ماتتعلمي عايز اكل مصري على السفرة و٣ ايام وتكونى اتعلمتى كل اكلاتنا احلام دورت وشها اتجاه الصوت وهى بترد:امرك يابيه حاضر بس ال٣ ايام ميزيدوش يومين علشان الحق ويقف قدامها صاحب صوت تانى بيقول: خلاص سيبها يامحمد ٥ ايام حرام شكلها موقفتش قبل كده في المطبخ ضحكو الاتنين وابتسمت احلام لكن متعرفش مين اللي واقفين قدامها غنا: احلام دول بقى اولادي محمد وراجي فتحت احلام عنيها على اخرها وهي شايفة قدامها شابين احلى من القمر واقفين قدامها يملوا عين الشمس هي مش مبهورة بجمالهم هى متفاجئة من ان غنا عندها اولا في السن ده دول تقريبا اكبر من يوسف اخوها دى غنا امهم شكلها اصغر من فكرية كمان غنا: احلام مالك في ايه احلام: ماشاء الله ياهانم ده انا كنت فاكراهم اخوات حضرتك ولا البيه جوز حضرتك واخوكى ولا اخوه لكن ولادك ماشاء الله ميبانش عليكي خالص ربنا يحرسك محمد: هههههههه انتى جاية من بلدك تحسدينا ولا ايه ات**فت احلام وبصيت في الارض: لا والله انا اسفه مقصديش بس كنت فاكرة ان انتم اطفال لما الست هانم كلمتنى عنكم راجي: الله يستر مدام امى جابت سيرتنا وفكرتنا احلام اطفال يبقى قالت لها على مقالبنا ههههه ضحكوا كلهم غنا: طيب مش نقعد نتغدا ولا هنفضل نتكلم ..اتفضلي يااحلام تقدري تروحي تتغدى دخلت احلام المطبخ وهي مبتسمة ومتفائلة بسبب الاحترام والذوق اللي اصحاب البيت بيتعاملوا معاها بيه .... عند يوسف شايف شغله ويومه بيمشي طبيعي مفيش فيه حاجة غريبة وكان مش عايز يبعت لاخواته عنوانه الا لما يجمع مبلغ يقدر يبعتهلهم يصرفوا منه وينفذوا اتفاقهم بتاع تأجير الاوضة ولأن محدش يعرف عنوانه ولا حتى ابوه ولا عمته هيشغلوا بالهم يسألو عن عنوانه كان هو الوحيد اللي بيقضي يومه من غير مايستنى يسمع سؤال من حد في بلده عليه. رجعت فكرية ونوسة البيت بعد م اشتروا الجلابيتين وبعد ما زعقت العمة على تأخيرهم وطبعا كل الاهانه والتهزيق رايح ل فكرية اللي استغربتها عمتها بسبب استسلامها وعدم ردها على حرف من الشتيمة اللي اتشتمت بيها فكرية العمة: ايه يامفضوحة القطة كلت ل**نك فكرية: مفضوحة...انا ياعمتي مفضوحة العمة بضحك: وانتي هيبقى فيه بعد فضيحتك فضيحة ده انتى هتبقى فُرجة سمعت فكرية الكلام وبرغم انها متأثرة ب اللي امها وابوها عملوه في عمتها لكن الكلام وجعها وصعبت عليها نفسها اوي بس قررت انها تسكت ومتردش على الكلام اللي كان بيقطع في روحها زعلت نوسة من منظر فكرية و**رتها لكن معملتش اي رد فعل تمنع بيه امها عن الكلام اللي بتقوله دخلت نوسة اوضتها ووصل ابراهيم من شغله ودخل جري يحضن فكرية العمة: جرى ايه يامخفى داخل على كفرة ماترمي سلام ربنا ياشحط انت ابراهيم بهدوء وثبات على غير طبيعته: معلش ياعمتى متأخذنيش ..سلام عليكم انا علشان عارف ان فكرية عيانة كنت خايف عليها طول اليوم العمة: هههههه انا مش عارفة انت واخوك طالعين رجالة لمين بلا نيلة ده ابوكوا لا ينفع طبلة ولا طار فكرية: يمكن طالعين ل جدى ياعمتي العمة: جدك...الله يرحمه ويسامحه يلا بقى خُشي اغسلي المواعين ولمى البيت وامسحى الارض واتخمدوا فكرية: طيب ياعمتى معلش هو احنا مش هناكل العمة:ليكي نفس ياختي تطفحي فكرية: بلاش انا بس ابراهيم ممكن احضرله ياكل العمة: اطفحوا ياختي ياكش يطمر عمالة اربيلكوا في كروش وخلاص سكتت فكرية ودخلت المطبخ حضرت ل ابراهيم ياكل وندهت عليه اخد الطبق بتاع الاكل ووقفت هى تغسل المواعين قاعد ابراهيم ياكل في هدوء والعمة قاعدة مركزة معاه وهو بياكل وسرحان العمة:ايه يامخفي تايه في ايه ابراهيم: هي فكرية ماشية بكرة ياعمتى العمة: اه ياخويا هتغور بكرة عقبال ماتغور انت التاني ابراهيم: هو الراجل ده غني ياعمتي معاه فلوس كتير يعني العمة: ههههههه اهو عِرق ابوك بان....اه ياخويا غني اوى ومعاه فلوس ياما ابراهيم: وهيديلك فلوس ياعمتي العمة: انت بتسأل ليه يا حِشري انت ابراهيم: ياعمتى مش قصدى اتحشر بس عايز اعرف احنا هنتغني وهناكل لحمة وفراخ لما يديلك فلوس ولا لا العمة: انا ياخويا معرفهوش هو هيدفع للخروف ههههه يوه اقصد ابوك ابراهيم: ابويا...طيب واحنا هنعمل ايه لما ابويا اللي ياخد الفلوس العمة: لا انت مش هتاخد ولا هتعمل حاجة انا اللي هاخد من ابوك ابراهيم بضحك : انتى ياعمتى هههههه ابوووويا هيديلك فلوس هههههه موت ياحمار العمة بعصبية: موتة تلمك ي ابن الفاجرة انت مين ده اللي حمار اتكتم بقى بدل م اقوم اقطع الشبشب على جتتك جاتك البلا ل**نك سم شبه اللي جابوك ابراهيم : ياعمتى متأخذنيش انا بتكلم علشان انتي اللي بتصرفي علينا مش ابويا وطالما ابويا اللي هياخد الفلوس يبقى انتى مش هتطولي تعريفة ومش هناكل لحمة ياعمتى ابويا بيعمل للبريزة تعظيم سلام ياعمتي العمة ضحكت بصوت عالي: ينيلك يا مخفى يخربيت مخك جيبت الكلام ده منين هههههه ال يعمل للبريزة تعظيم سلام الشغل دردحك يامخفي وبقيت تعرف تتكلم داهية تو**ك ابراهيم: طب بالذمة صحيح ياعمتى عندى حق ولا لا الراجل وابويا اللي يعرفه...وهو اللي هياخد فكرية يوديهاله يعني مش هنعرفلهم طريق...وانا كده كده ابويا نفسه يخلص مني يعني ولا حتى هيفتكر ييجي يطُل عليا ولا هيقول اكل ولا م اكلش ومش هيهمه حتى لو جوعتيني ولا رمتيني في في الشارع تبقى فكرية ويوميتها راحوا والراجل الغني هيدخل كرش ابويا ومش هينوبك منك قرش ابيض يبقى احنا كده بقى نفعتنا ب ايه فكرية ب الراجل اللي هياخدها ودى كانت الشرارة اللي بيها ابراهيم عرف يوصل عمته بيها انها فيها لا تخفيها سرحت العمة في كلام ابراهيم وهي بصاله بتركيز اوى: انت ياولا انت جيبت الكلام ده منين وازاي فكرت كده ده انا نفسي مفكرتش بالصورة دى ابراهيم : ياعمتى علشان انتي لما هتاخدى فلوس من ورا اخواتي وشغلهم هتبقى فلوس اكتر من اللي كنتى بتاخديها من شغل يوسف واحلام وفكرية باليومية احلام ويوسف هيبعتولك فلوس اكتر وفكرية مع الراجل الراجل الغني هيبقى معاها فلوس اكتر من يوميتها ولما انتي تاخدى كل ده هتبطلي بقى تأكليني طقة واحدة واكل زى كل العيال اللي بيفطروا ويتغدوا ويتعشوا انا بجوع ياعمتى اوى العمة ب استغراب: يخربيتك انت ازاي ياولا ربطت كله ببعضه كده بقى كرشك خلاك تفكر كل ده وتقول اللي قولته ده بس تصدق انت عندك حق ابوك كلب فلوس ومش هطول منه حاجة وهو كده كده راميكم ومش هيشغل باله بيك الا لو جاتله بيعة ليك زى اخواتك طب ايه العمل بقى في الليلة السودة اللي مكانتش على البال دى. ابراهيم: طب اديني حتة لحمة وانا اقولك العمل ياعمتي.

Free reading for new users

Scan code to download app

App Store Google Play

Facebookexpand_more