الجزء الخامس

1328 Words

قررت فكرية تقعد هى ونوسة على رصيف كده قدامه محل مقفول علشان تعرف تسمعها من غير م المحلات تلفت نظرهم قعدوا سوا ولسه نوسة بنفس قالبة الوش والضيقة فكرية: احكيلي بقى ياستي عايزة اعرف نوسة: هحكيلك مع انى مش عارفة ازاى امك مش حكيالكم دى كانت فاضحة الدنيا فكرية: ماتحكي يانوسة لو قولتي حاجة امى كانت قايلاها هقولك انى اعرفها بس هي امي ولا ابويا من امتى بيحكوا حاجة معانا نوسة: بصي يافكرية امك كانت بتشتغل في مصنع زى اللي انتى بتشتغلي فيه كده وكان المصنع ده جنب قهوة ابوكى كان متعود يقعد عليها ولأن امك كانت علطول مدلعة نفسها وبتلبس المحزق والملزق وبتمشي تتقصع قدام القهوة ابوكى بعينه الزايغه حطها في دماغه وعجبته كانت هى ومعاها اختها وواحدة صاحبتها نفس العينة يمشوا عايزين رجالة الحتة كلهم عنيهم تطلع مع مشيتهم المهم ابوكى فضل يرسم على امك في الرايحة والجاية ويحاول يوقفها يتكلم معاها وهي محترمة الصراحة مش عطياله سكة خالص هى بتمشي فُرجة للناس بس لكن تكلمهم عيب ههههههه المهم ياختي لما شافت ابوكى خلاص بداء يرمى طوبتها ابتديت لما تبقى ماشية قدام القهوة تبص نحيته وتعمل نفسها بتضحك على اي حاجة بتقولهالها واحدة من اللي معاها وتصهلل بقى تخلى القهوة كلها تبص عليها رجع ابوكى يلف تانى عليها وفضلت تتقل عليه لحد ياختي ما في يوم طلعت هى من الشغل الاول ومشيت لوحدها وابوكى شافها ومشي وراها كالعادة وحاول يكلمها علشان وهو راجع يلاقي صاحبتها واختها ماشيين على مهلهم وكأنهم كانو متفقين مع بعض على اللي هيحصل وقفته صاحبة امك وقالتله هو انت عايز منها ايه ياجدع انت ابوكى قالها : عجباني صاحبتها: عاجباك ياخويا ليها باب بيت تروح تخبط عليه وتطلبها من ابوها مش تفضل تلف كل يوم والتاني ورانا في الشوارع هتجيبلنا شُبهة احنا مش بتوع فضايح لو عايز تعرف مكان باب البيت اوصلك مش سكتك يبقى هفرّج عليك اُمّة لا اله الا الله وافضحك واخلي اهلها ييجوا هنا يقطعوك شوف حكايتك ايه وابقى قولي سابوه ومشوا وكانت خالتك قاصدة انها متتكلمش ال يعني محترمين ومش بيتكلموا مع رجالة غريبة وطبعا لأن ابوكى مبيحبش حد يعانده اتقلب على بوزه ياختى شبه البرميل وجر اهله وراه وراح يخطبها ولما جدك سأل في الحتة على امك واهلها الناس قالوا وعادوا على سُمعتهم المهببة لكن ابوكى ابدا راسه والف سيف هى دى هخطبها يعني هخطبها ولا شغل باله بكلام ابوه ولا زعل امه ولا حتى كلام ابويا اللي كان بيشوفها ماشية على البحر مع رجالة هى واختها وكأنه م**م انه يعيش بقرون راجل عرة صحيح سمعت فكرية طبعا شتيمة ابوها ومكتومة ماهو اللي بيتقال ده حقيقي يستاهل انه يتقال عليه اكتر من عرة بس ماشي علشان الرقابة كملت نوسة: امك ياختى من اول مادخلت في وسطنا الا هاتلي الحلق ده عاجبني .. غويشة امك دى حلوة عايزة زيها فستان اختك اللي جوزها جابهولها ده طالع من عيني وهو كانت يوميته مش حمل كل ده بقى بالخناق والفضايح ياخد فلوس من جدك يقلع امه غويشتها غصب وعافيه ييجي ل امى الفستان ده البت عينها طالعه عليه ي اختى ومعييش اجيبلها ماتديهونى اهاديها بيه امى تقوله ياخويا ده جوزي اللي جابهولي يقولها يرضيكي تشوف انى مش عارف اكفيها انا اخوكي لازم تبقى في ضهري طيب هقول لجوزى ايه ياستي قوليله اتحرق م المكوى ولا طار من ع الحبل وانا مش هخليها تيجي بيه هنا تروح امى عطياهوله وعلي الحال ده لحد م اتجوزوا كنت انا واختي صغيرين وموضوع بص امك ل كل اللي عندنا زاد وابوكى بجاحته زادت وامى بسببه كدبها زاد على ابويا ..بس مخلصناش على كده لاء ...دى امك العايبة بقيت تستقصد توري ابويا الحاجة اللي امى بتديهالها وامى بتكون قايلة ل ابويا طارت ..اتحرقت...بقعت..كل مرة ب حجة شكل علشان متصغرش اخوها قدام جوزها ..لحد م فى مرة الولية العايبة المهزأة شافت ابويا طالع قصدت تطلع بقميص نوم كان بتاع امي ولما ابويا حط راسه في الارض قالتله ايه ياابو نوسة مش بتشبه ولا ايه رد ابويا من غير مايبص رمى عليها سلام ربنا تسكت بقى العايبة لاء طبعا ازاي تقول لابويا ايه: ياخويا ابقى خدها معاك تختار اللي يعجبها بدل مابتشتريلها على ذوقك ومبيعجبهاش وتدور على اللي يشتريهم منها طبعا ابويا الكلام فاجئه: هو ايه ده ياست لامؤاخذة اللي مراتي بتبيعه ياخويا كل حاجة مش القميص المدندش ده انت اللي جايبه وتعالي عندى جوة اوريلك الفساتين والغيارات اللي بتجيبهالها وبشتريها منها حرام خدها معاك تختار بدل ماهى هدومها دابت عليها بقيت عرة قدام الجيران طبعا ابويا سمع الكلام شااااااط والدم غلي في نفوخه ومع ان امك عارفة ان ابوكي بياخد الحاجة من امي بالشحاته لكن قصدت تولع الدنيا في بيتنا دخل ابويا البيت لأمي سألها على القميص اللي جابه قالتله ده طار طب ياولية الفستان اللي اشتريتهولك من اسبوع ده اتحرق من المكوى طب كذة طب كذة وكل حاجة بحجة شكل لحد ماقالها انتى عارفة الست اللي تكدب تبقى ايه تبقى ست مش مظبوطة ومأمنهاش على اسمى رايحة تبيعي الحاجة اللي بشتريهالك بتبيعي هدومك الناس تقول عليا مجوعك ومخليكي عرة قدام الناس طبعا الكلام واقع على ودن امي زى الطبل ابيع ايه...وكدابة بس مش ببيع الحاجة ان بت**ف من اخويا طبعا ابويا مش مبطل اهانة وشتيمة في امي اللي قالتله انا والله عمري مابيعت قشاية من بيتك وراحت حكيت له اللي بيحصل من ابوكي وحلفت وقالتله حتى يسأل ابوكى وهو هيقوله الحقيقة ماهو مش هيرضى لأخته المرمطة لكن علشان ابوكى عرة ورمة جه قدام مراته وابويا كدب امى طبعا وقال ايه انا مراتي بتاخد مني فلوس علشان تشتري الحاجة من اختى وتقولي يمكن محتاجين فلوس علشان كده بتبيع هدومها وتاخد مني بالزيادة وتشتري الحاجة منها اغلى من سعرها وبتبقى مش عاجبة مراتي بس علشان اختى متحسش ان مراتي بتساعدها وتتحرج منها طبعا امى بقيت واقفة تلطم وتعيط وتحلف ان ده محصلش علشان خالتك بنت الك.... ترد تقول لامى احيه ياوليه ايه الكدب ده انتى مش كنتى عارضة عليا اشتري غياراتك الجديدة اللي جوزك جابهالك واختى قالتلي لاء ياختي دى تلاقيها هدية جوزها ليها ميصحش وقالتلي لو عايزة تراضيها بقرشين بينك وبينها مش لازم تاخدى منها حاجة بس مش قدامى علشان مت**فهاش يامصيبتي على بجاحتك بتحلفي كدب ياولية ده لو على طلاقك متنطقيش يمين كدب طبعا خلاص مش معقول بالنسبة ل ابويا ان كلهم كدابين وامي هي اللي صادقة من اليوم ده امى وابويا كانوا مكملين بس علشان الطلاق ميصحش وعلشان انا واختى منعنسش بقيت امى تحايل امك وابوكى يقولوا لابويا الحقيقة كانوا يذلوها قدام الناس ويضحكوا الناس عليها مخلصناش على كده لاء ده امك وابوكى بقوا يسحبوا ابويا عندهم وتبقى خالتك عندهم يسهروا للصبح لحد ماخالتك الناقصة عرفت تشاغل ابويا وتوقعه فيها بعلم الرمة ابوكى وساعتها القرش اللي كان بيأكلنا بيه بقى مش موجود الهدمة اللي ممكن يجيبها خلاص اتمنعت وخيره كله بقى رايح على خالتك وابوكى ومراته لحد ماقرر انه يتجوز خالتك ويطلق امى وكل اللي عمله ابويا انه ساب البيت نعيش فيه وراح جاب لخالتك بيت تانى في حتة حلوة استخسر فينا القرش امك وابوكى خربوا بيتنا وعيشونا عمرنا كله من غير اب حتى لما ابويا مات كان كاتب كل الورث بتاعه لمراته ماطولناش منه مليم من ساعة امك مادخلت علينا دخلت بالخراب اتذلينا وامي شقيت وتعبت لحد مابقينا عرايس قدامكم اهو جدى وستى كانوا بيعملوا اللي بيقدروا عليه لكن برضوا كانوا بيخافوا من ابوكى وفضايحه كانو لو جابولنا لقمة لازم تكون مستخبية علشان امك وابوكى ميف*جوش عليهم الناس اتذلت امى كانت امك تخليها تنضفلها بيتها علشان في الاخر تبعتلنا طبق فول ورغيفين عيش ابوكى عارف وشايف وقابل يافكرية وحاجات كتيرررررر اوى اتذلينا فيها شوفي اللي بيحصلكم من امي ده هى شافت اكتر منه بكتير اوى من امك وابوكى وفي الاخر امك الناقصة اول ماشافت راجل جيبه مليان اكتر من ابوكى اشتغلت عليه وخربت بيته زى ماخالتك عملت ورميتكم لابوكم وطلبت الطلاق ولو مطلقهاش قالتله هرافقه وهتعيش كل حياتك بقرون ولما طلقها وملقاش لكم مكان كان هيرميكم في ملاجئ لكن امى برغم كرهها ليكم وليهم مرضتش تسيبكم في الملاجئ لكن برضو حسيت انها بترتاح لما بتوجعكم وتذلكم بتحس انها لما بت**ركم كده بتاخد حقها انتم مكانش لكم ذنب لكن ذنبكم امك وابوكى اللي خربو بيتنا وحرمونا من ابونا وعز ابونا ..عرفتي بقى يافكرية احنا بنكرهكم ليه عرفتي احنا حصلنا ايه بسبب امكم وابوكم وابتديت نوسة تعيط وفكرية كمان مقدرتش تمسك دموعها بعد اللي سمعته حتى لو هما فعلا مالهمش ذنب في حاجة حاجة لكن عمتها وبنات عمتها عندهم حق في كل الكره اللي جواهم بسبب اللي عاش*ه من تحت راس امها وابوها للاسف ?

Free reading for new users

Scan code to download app

App Store Google Play

Facebookexpand_more