BOOK 2: CHAPTER 4
KINABUKASAN, maaga pa lang ay nagising na si Eicine para maligo at mag-ayos ng sarili, at gaya ng usual na routine ay magluluto na ito ng breakfast para kay Kaijin bago pa ito magising at agawan siya ng gagawin sa kusina.
Palagi kasi itong hindi pumapayag na napapagod siya sa tuwing magkasama sila, gustong siya lang ang gumagawa ng lahat sa buong pad at pauupuin lang si Eicine para magpahinga sa isang tabi. Bagay na ikinatatawa na lang ni Eicine dahil kahit papaano nakikita niyang siguradong magiging responsableng asawa at ka-partner sa buhay si Kai kapag dumating na ang tamang panahon na legal na silang mag-asawa.
Sa sobrang husay nito sa mga bagay-bagay at sipag sa mga gawaing bahay ay wala na siyang maisip na pwedeng kapintasan ng fiance.
Nagluto siya ng bacon at h
