BOOK 2: CHAPTER 3
“HINDI KO alam kung sino ang dapat mahiya pagkatapos no’n. Kung siya ba dahil sinigaw-sigawan niya ‘ko o ako ba kasi siya pala ang bago kong investor sa Travel Pacific tapos sinigaw-sigawan ko siya!” Nagra-rant na singhal ni Eicine habang pabagsak na naupo sa couch.
“Sinigawan ka no’n? Kailan?” Salubong ang mga kilay at nag-aalala ang mga mata na baling ni Kaijin kay Eicine nang makalapit ito sa kaniya bitbit ang mga pagkain.
Narito sila ngayon sa mismong main branch ng Le Frontiera Hotel ni Kaijin sa Maynila, malaki ang lugar at halos kumintab dahil sa mga disenyo ng pader at tiled floor nito na puro black and gold glass, idagdag pa ang mamahaling uri ng mga furniture sa lobby pa lang hanggang sa bawat palapag.
Bago pa lang ang negosyo pero malakas na kaagad ang k
