CHAPTER 86
PART II
MINAMANIPULA ng emosyon, palabas na sana si Kai mula sa pinagtataguan niya nang makita kong natigilan ito saglit at napangiwi habang iniinda ang nagalaw niyang duguang braso na may tama ngayon.
“Boss!” Pagtawag noong tauhan ni Angelo na may hawak na sniper gun. Nilingon siya ng kausap kaya sumenyas siya sa pinagtataguan ni Kai.
Nakita kong ngumisi si Angelo, mahigpit na hinawakan ang bitbit na baril at ngayon ay dahan-dahan nang naglalakad patungo sa pwesto ni Kai kung saan itinuro noong tauhan niya.
Nagtagis ang aking mga ngipin sa pinaghalong takot at inis at hinugot ang isa pang baril na nakalagay sa strap sa ‘king hita. Itinutok ko ‘yon sa tauhan ni Angelo at nagulat nang may lumitaw mula sa baril na laser. Kulay pula.
Naalala kong ipinaliwanag sa ‘kin dati ni
