Kabanata 31
K I M
Pagkatapos sabihin ng lalaki ‘yon ay saktong pumasok si Ethan sa loob ng cafeteria. Nagtama agad ang tingin namin, pero siya na ang unang nag-iwas ng tingin. Sumulyap siya sa lalaking nakatayo sa harapan ng lamesa namin at humihingi ng paumanhin. Naglakad siya papunta sa malayong lamesa kung saan sila madalas maupo ng mga kaibigan niya.
Ibinalik ko ang tingin ko sa lalaking nasa harapan namin. Gusto ko siyang awayin at sigawan pero wala akong lakas ngayon para gawin iyon. Nanghihina ako sa nalaman ko. Pinangunahan agad ako ng galit kahapon nang inakala kong si Ethan ang may gawa noon. Inakala kong pinagkakatuwaan nanaman niya ako. Ngunit hindi naman pala siya ang nakatama sa akin ng bola. Pero malay ko ba kung inutusan niya lang ang lalaking ito na akuin ang kasalanan
