Kabanata 15
K I M
“Sandali lang. Ipapasok ko muna si baby sa room niya,” ani Yakira nang makatulog na si baby Yohann sa bisig niya.
Napahaba ang usapan namin, hindi na namin napansing nakatulog na pala si baby. Nang tumayo si Yakira ay sakto namang pagdating ng mag-ama niya, sa likod ng dalawa nakasunod si Ethan. Kitang-kita ko ang pagkagulat sa mga mata nito nang magtama ang tingin namin pero ako ang unang nag-iwas ng tingin. Tumakbo palapit sa akin ang panganay ni Yakira.
“Nangnang danda!” anito nang makalapit. Yumuko ako para makahalik siya sa pisngi ko.
“Hello, baby. Miss mo si ninang ganda?” lambing ko, habang binubuhat siya para kandungin. Tumango lamang ito bilang sagot habang nakangiti. Hinalikan ko siya sa pisngi ng mariin.
“Miss din kita, baby.”
“‘Yong ninong hindi mo b
