Kabanata 16
K I M
Gigil na gigil ako sa galit nang bumalik ako sa room. Ang kapal ng lalaking ‘yon na akusahan akong naiinggit sa babae niya. Ang kapal-kapal niya! At ano naman ang dapat kong ikainggit sa babaeng iyon? Akala niya yata lahat ng babae dito sa school ay nangangarap na maging babae niya. Ang kapal naman ng mukha niya! Sino ba siya sa tingin niya? Hindi lahat ng babae makukuha niya, ano? Lalo na ako. Hindi ako tanga para magpa-uto sa kanya kaya huwag na huwag niya akong itutulad sa mga nagiging babae niya dahil hinding-hindi ako matutulad sa kanila.
Hindi ko alam kung bakit kahit iritang-irita ako sa nangyari sa araw na iyon, kapag naiisip ko na napigilan ko sila ng babae niya, hindi ko mapigilang matuwa at magdiwang. Buti nga sa kanya at hindi ako magsasawang ulit-uliting g
