MARAMING miron doon sa videoke place na pakay nila. Obviously, bukod sa magaling ang nakasalang ay may iba pang kakanta kapag ganoon. Naisip ni Missy na umatras na lang pero mas maagap si Ico na sinenyasan ang manager para sabihing nandoon din sila at kakanta.
“Dito muna tayo,” sabi nito sa kanya. “Ano ang gusto mong inumin?” Inilapit nito sa kanya ang menu card.
“Busog pa ako. Hindi ba, dinalhan mo pa ako ng meryenda kanina?”
“Kanina pa iyon. Mahaba din itong nilakad natin. I’ll get you a white ginger tea. Okay sa iyo?”
Pareho lang silang ng inumin nang i-serve iyon sa kanila. Nagkatinginan sila ni Ico nang sabay nilang marinig ang boses na pumuno sa paligid.
“Ang ganda ng boses.”
“Maganda ang boses niya,” halos sabay din nilang sabi.
“Now, I can’t sing a love song like the way it’
