LUCIFER
“Meron na namang dinispatsa si Master Tom,” narinig kong sabi ni Sergio. Kausap niya si Hubert na ngayon ay kasalukuyang nagbibihis ng kanyang custome para sa show namin ilang minuto bago kami isalang.
Tumabi ako nang upo kay Harry na ngayon ay nakabihis na. Nakikinig ako sa usapan ng dalawa. Gusto kong sabihin sa kanilang nagpunta sa silid ko ang lalaking iyon. Nagdadalawang isip ako kung sasabihin ko sa kanila.
“Ano naman kayang nagawa ng kasalanan ang taong iyon?” tanong ni Ellen na nakatayo sa tabi ng pintuan, ngumunguya ng bubble gum.
“Baka gustong tumakas, pero nahuli kaya hindi na hinayaang pang mabuhay. Oras na nakatakas ka rito, hahanapin ka nila saan mang sulok ng Pilipinas. Marami silang koneksyon kaya wala kang kawala.” Mahabang sabi ni Jade. Totoo ang sinabi ni
