KABANATA 30
TINA
Palabas na ako ng library dahil tapos na ang duty ko nang makita ko si Andre sa may pintuan ng library na hingal na hingal.
"Okay ka lang?"
"Ha… Ah… Oo… Tumakbo kasi ko papanik dito. Akala ko ‘di kita aabutan." Kahit parang hinahapo pa siya, kinaya naman niyang magsalita.
"Hinga ka muna.” Hinayaan kong makahabol muna siya ng hininga bago ko siya tanungin uli. “Bakit mo ako pinuntahan dito? May kailangan ka?"
"Ihahatid sana kita sa work mo. Kung okay lang."
"Oo naman. Okay lang." Kinuha niya ‘yung mga bitbit kong libro. Napaka-sweet at gentleman niya talaga.
Habang naglalakad kami palabas ng school ang daming nakatingin sa amin. Puro babae. Pinagbulungan na naman nila ako! Hmp! Nagbabalik na naman ang mga tsismosang froglets.
"Anong meron ang babaeng ‘yan at pu
