رواية قصة عشق الجزء التانى

روايه قصة عشق 2 الحلقه الاولى بقلم سحر ف*ج عيناك كنهري أحـزان نهري موسيقى.. حملاني لوراء، وراء الأزمـان نهري موسيقى قد ضاعا سيدتي.. ثم أضاعـاني الدمع الأ**د فوقهما يتساقط أنغام بيـان عيناك وتبغي وكحولي والقدح العاشر أعماني وأنا في المقعد محتـرقٌ نيراني تأكـل نيـراني أأقول أحبك يا قمري؟ آهٍ لـو كان بإمكـاني فأنا لا أملك في الدنيـا إلا عينيـك وأحـزاني سفني في المرفأ باكيـةٌ تتمزق فوق الخلجـان ومصيري الأصفر حطمني حطـم في ص*ري إيماني أأسافر دونك ليلكـتي؟ يا ظـل الله بأجفـاني يا صيفي الأخضر ياشمسي يا أجمـل.. أجمـل ألواني هل أرحل عنك وقصتنا أحلى من عودة نيسان؟ أحلى من زهرة غاردينيا في عتمة شعـرٍ إسبـاني يا حبي الأوحد.. لا تبكي فدموعك تحفر وجـداني إني لا أملك في الدنيـا إلا عينيـك ..و أحزاني أأقـول أحبك يا قمـري؟ آهٍ لـو كـان بإمكـاني فأنـا إنسـانٌ مفقـودٌ لا أعرف في الأرض مكاني ضيعـني دربي.. ضيعـني إسمي.. ضيعـني عنـواني تاريخـي! ما لي تاريـخٌ إنـي نسيـان النسيـان إنـي مرسـاةٌ لا ترسـو جـرحٌ بملامـح إنسـان #نزار_قباني النور شقشق وطلع النهار على العرسان بعد ما قضوا ليله جميله كلهم وكل واحد مع عروسته وكانت من اجمل الليالى ولا الف ليله وليله. ليلة كلها حب ورومانسيه ورقه وهمسات ولمسات بين العشاق. الحاج صفوان والحاجه انعام زى عاويدهم كانوا صحيوا من بدرى وخدوا بعضهم وخرجوا من اوضتهم ونزلوا على تحت واحده واحده علشان مش قادرين من وجع وألم رجلهم واول لما نزلوا وقربوا ناحيه الصالون اتصدموا لما شافوا عدى وفهد كل واحد فيهم نايم على كنبه من الصالون والأنيل انهم لسه بالبدل بتاعه فرحهم . الحاج صفوان بص للحاجه انعام بكل صدمه وقال: ايه اللى انا شايفه بعيونى ده يا حاجه انعام؟ البلاوى دى بتعمل ايه هنا دلوقتى؟! وفى وقت زى ده وايه القرف اللى حواليهم فى كل حته ده وكمان باللبس بتاع الفرح. الحاجه انعام بصدمه ردت وقالت: العلم علمك يا حاج انا زيك مصدومه ومستغربه .. وقربت من الشباب الاتنين عدى وفهد وبدات تصحيهم بس ما قدرتش تصحيهم من كتر التعب والارهاق والسكر اللى كانوا هما فيه من كتر الشرب . الحاج صفوان بكل عصبيه قرب هو منهم وبعكازه بدأ ينغز فيهم جامد ويضربهم لحد لما صحيوا وفتحوا عيونهم بالعافيه وبصوا لبعض هما الاتنين وللمكان اللى هما نايمين فيه وكمان للبسهم بكل استغراب. عدى باستغراب هرش فى راسه و بص لفهد وقال ?? انت مين ياض ولتعمل ايه هنا انطق? فهد بصله هو كمان بكل استغراب وفضل يتلفت يمين وشمال وقال ??? انت اللى مين يااااض وبتعمل ايه هنا? وكل اللى بيحصل بين عدى وفهد ده .. كانت الحاجه انعام واقفه بتتف*ج عليهم هما الاتنين وعلى منظهرهم بكل استغراب . الحاج صفوان اخر ما زهق منهم بصوت عالى و بكل غضب رفع عكازة عليهم وقال .. انتم كمان لسه هاتتعرفوا على بعض اودااااامى ليله صباحيتكم يا بهايم والله لا اموتكم .. ليليتكم سودا منى ومزفته بطين ليك انت وهو ان شاء الله . ولسه هايقرب منهم ويضربهم بالعكاز الا وجرى عدى بسرعه زى الرهوان ووراه فهد على طول زى الصاروووووووخ . عدى بخوف ورعب من منظر جده اللى اول مرة يشوفه فى الحاله والمنظر والغضب ده دى بص لفهد وقال .. اجرى يا فهد بسرعه اجرى يا فااااااااهد. فهد حاول يفوق نفسه ودعك فى عينه جامد اول لما سمع صوت زعيق جده وصوت عدى ورد وقال .. الله يخرب بيتك يا عدى ده النهار طلع علينا واحنا نايمين فى مكانا وقعتك سودا منى .. ملك هاتقول عليا ايه دلوقتى وجرى بسرعه ورا عدى . الحاج صفوان بصوت عالى وبعصبيه شديده قال .. خد ياض ? خد ياااااض منك لييييييييييه والله هاموتك منك ليه وقعتكم سودا منى يا بهايم . والله لا هاطلع عينكم .. والله لا هاطخكم بالسلاح النهارده ويكون موتكم على يدى يا بهايم .. تعال ياض منك ليه هنا انا مش بنده عليكم ولا ايه ؟ الحاجه انعام بخوف على صحه الحاج صفوان لما شفته كده وشافت زعيقه وعصبيته قربت منه وبحنيه قالت ... اهدى يا حاج واستهدى بالله وحياتى عندك .. وهما هايجوا اودامك اهو بس انت اهدى كدة واقعد لا تقع منينا بسبب شويه عيال مجانين معندهمش لا دم ولا وحيا . الحاج صفوان بغضب بدا ينهج جامد من الصوت العالى والنرفزه وزعيقه فى عدى وفهد فارد على الحاجه انعام وقال ... هما فعلا طلعوا شويه عيال ومكنش ينفع انى اجوزهم من البنات الايام دى .. انا اتاكدت دلوقتى انهم مش رجاله ولا يعرفه حاجه عنها وطلعوا مجرد شويه عيال صغيره ... علشان ينزلوا يشربوا القرف اللى كان معاهم ده . ويسيبوا عرايسهم فى ليله دخلتهم لوحدهم . وينكدوا عليهم فى ليله زى دى بيتمناها كل عريس وعروسه. الحاجه انعام بحزن هى كمان ردت وقالت .. تعال يا زفت منك ليه هنا وكلموا جدكم واطلبوا منه انه يسامحكم وبوسوا يده .. هم ياض منك ليه وتعالوا . الشباب من كتر خوفهم لما شافوا الحاج صفوان بيزعق كده لاول مرة ليهم فى حياتهم وشافوه منظره وغضبه ده .. جم بسرعه وهما م**وفين من اللى عملوه ووقفوا اودام الحاج صفوان اللى كان متعصب اوى وعيونهم فى الارض. وقالوا بكل خوف ورعب .. نعم يا جددددى تحت امرك . كل اللى كان فى السرايه كان صحى على صوت الحاج صفوان وهو بيزعق ليهم واتخضوا وخافوا لا يكون حد حصله حاجه من اللى فى البيت او تكون الحاجه انعام تعبانه لا قدر الله . صلاح وحسين وعصام وكمان حريمهم خرجوا من اوضهم بسرعه وبدؤا يسألوا بعض فى ايه ؟؟ وايه اللى بيحصل ده والحاج صفوان صوته عالى كده ليه ؟ ونزلوا جرى على تحت كلهم علشان يشوفوا ايه اللى بيحصل على الصبح كده وابوهم بيزعق ليه بالمنظر ده وبصوت العالى ده . قصى وسليم وكمان فارس كانوا صحيوا على صوت الحاج صفوان وزعيقه . فالبسوه هدومهم وخرجوا من اوضهم بسرعه وسألوا بعض عن اللى بيحصل فى السرايه ومحدش فيهم كان عارف اى حاجه او سبب الزعيق ده . وسمعوا صوت جرى عمامهم على تحت بسرعه .. فاستغربوا وخافوا اكتر وتوقعوا ان فيه نصيبه حصلت فى السرايه ليله صباحيتهم فاجريوا هما كمان ونزلوا على تحت على طووول ووراهم البنات . واول لما الكل نزل اتصدموا لما عيونهم جت على عدى وفهد وهما لسه لابسين البدل بتاعه فرحهم وشكلهم متبهدل وواقفين زى العيال الصغيرة اودام الحاج صفوان وشكلهم عامل مصيبه كبيرة . فقربوا منهم وبصوا ليهم بكل استغراب وعيونهم جت على الكوبيات والازايز اللى كانت على الارض فى كل مكان وتوقعوا هما هببوا ايه للاسف . وقضوا ليله دخلتهم فين .. وعرفوا سبب زعيق جدهم صفوان بالمنظر ده على الصبح كده. قصى بص لجده وقال .. خير يا جدى العيال دى هببت ايه ومزعلينك كده ليه على الصبح ؟! الحاج صفوان خد نفس كبير علشان يهدا ويقدر يتنفس وراح قعد على اقرب كرسى ورد وقال: البلاوى .. البهايم اللى مش متربين .. اللى المفروض تكون صباحيتهم النهارده وكان فرحهم و دخلتهم امبارح .. نزلت دلوقتى انا والحاجه انعام ولاقينا كل واحد فيهم مخمود على كنبه ببدلة فرحه لسه .. والمصيبة السودا البلاوى اللى شربوها هنا فى السرايه!! . اناااااا ؟؟؟؟ انا سرايه الحاج صفوان السيوفى اللى حج بيت ربنا يدخل ويتشرب فيها القرف ده .. حسبى الله ونعم الوكيل فيك يا عدى انت وفهد .. يا خساره تربيتى فيكم . وقام وقف وبكل غضب بص لعدى وفهد تانى وقال : خد ياض منك ليه قولولى جبتم الحاجات دى منين يا حمار انت وهو .. جبتوها منين انطقوا بدل ما اموتكم دلوقتى اودام الكل اقسم بالله . صلاح راح جنب ابوه ومسك ايده وقال .. اهدى يا ابوى علشان خاطرى .. صحتك مش اد الزعيق ده كله ..وحياتى يا ابوى ابوس ايدك هما عيال ناقصين تربيه متزعلش نفسك انت لا تروح مننا . سليم بخوف على منظر جده هو كمان قال .. معلش يا جدى شويه عيال وغلطوا وهما اكيد ميقصدوش اللى هما هببوه ده . عدى بخوف رد وقال .. اه والله يا جدى .. احنا قولنا دى ليله فرحنا والشباب بتعمل كده كلها وقلنا نهيص ونشرب بوق واحد بس وبعدها كل واحد هايطلع على اوضته ويروح لعروسته على طول ويقضى ليله دخلته. فهد بخوف هو كمان رد وقال .. معلش يا جدى حقك عليا .. والله انا كنت فى اوضتى مع عروستى وزفت الطين اللى اسمه عدى ده هو اللى جه وخدنى علشان انزل لتحت معاه واشرب.. وانا ولا كان فى دماغى اشرب اى حاجه من كل ده والله يا جدى. عدى بصدمه لما سمع فهد بيقول كده عليه رد وقال ??? .. يا سلام ده على اساس انك لسه نوغه وصغير وانا ضربتك على ايدك وشربتك الحاجه الاصفره دى بالعافيه يا سى فهد .. انت عاوز تطلع منها وتلبسهالى لوحدى ولا ايه با اخويا. عصام بكل غضب قرب من عدى ولسه كان عاوز يمسكه يضربه لولا حسين وصلاح مسكوه وقال.. اخرس يا زفت الطين انت خالص بدل ما امسكك دلوقتى واطلع عينك واطلع عليك القديم والجديد علشان انا قرفت منك ومن المصايب بتاعتك ... كل اللى هببته ده وليك عين تتكلم كمان يا بايظ انت . عدى بهبله اللى اتعودنا عليه رد وقال .. هو كان حصل ايه بس يا ابوى .. انا قولت انا عريس وهاهيص شويه علشان اعرف احكى الحواديت كويس لهدى زى اى عريس وعروسه يوم فرحهم . الكل اتفاجاه بكلام عدى وفجاه اتفتحوا كلهم فى الضحك على كلامه ده الا الحاج صفوان اللى قام وقف ومسك العكاز وكان عاوز يضربه بيه وقال .. حواديت .. حواديت ايه يا بايظ يا فاشل يا اهبل انت يا قليل الربايه يا معفن .. دقنى اهى لو عرفت تحكى حاجه لحد . وبعدين انت ملكش عندى عروسه ولا انت ولا البقف اللى واقف جنبك ده ... انا هاربيكم من الاول انت وهو .. واعتبروا نفسكم متجوزتوش لسه سامع انت وهو ولا مش سامع ياد ... لما تكبروا وتعقلوا كده وتبقوا رجاله عاقله .. يبقى ساعتها افكر ان ليكم بنات عندى .. لكن بمنظركم ده والمصيبه الى عملتوها دى ... ملكوش عندى بنات واااااصل . واااااصل . الحاجه انعام بحزن ردت وقالت ... معلش يا حاج علشان خاطرى انا تسامحهم المرة دى وهما مش هايعملوها تانى .. وهايتعلموا الادب وهايحلفوا ما يشربوا القرف ده تانى لا فى السرايه ولا فى اى مكان تانى وحياتى عندك يا حاج . الحاج صفوان لكل غضب رد وقال .. لا يا حاجه .. سامحينى انا مش هاقدر وانتى عارفه معزتك عندى اد ايه .. لازم اعاقبهم على عملتهم السوده دى ويعرفوا ان الله حق .. وهاربيهم من الاول وجديد لانى عرفت النهارده انى معرفتش اربيهم كويس ودى غلطتى انا قبل ما تبقى غلطتهم هما. عدى ??? انت بتتكلم جد يا جدى . ولا بتهزر معانا كالعاده ؟ ولا يمكن دى اشتغاله وبتهزروا معانا صح قول انكم بتهزروا قول يا جدى انك بتهزر ?? اما انت عليك حركات يا صفوان ? قصى بعصبيه .. ما تتلم يا حيوان انت واحترم نفسك شويه وبطل مسخرة مش كفايه اللى انت مهببه انت وا****ر اللى واقف جنبك ده . الحاج صفوان بصله بغيظ ورد وقال .. بتكلم جد يا اهطل يا بهيم.. انت مش بتفهم ولا ايه ياض انت؟؟ ولا تحب اقوم افهمك بمعرفتى ??? واعرفك ان كلامى جد وجد الجد كمان. عدى وفهد اتصدموا من القرار ده وبصوا لبعض وفهد قال .. عجبك كده يا وش الفقر انت .. انت السبب ربنا يخدك . عدى رد وقال .. انا وش فقر يا بوز الغراب انت .. ما انا قولتلك بوق واحد ونطلع اوضنا على طول علشان هدى سايبها لوحدها وانت ما صدقت كراره واتفتحت لحد ما اتصطلنا وخلصنا كذا ازازة ???? فهد بغيظ .. انا برضه ده انت كداب اوى يا شيخ . الحاجه انعام .. جرى ايه ياض منك ليه.. انتم بتتعاتبوا فى ايه يالا كل واحد يطلع على اوضته ومشفش وش حد فيكم .. زمان الناس جايه علشان يهنوا ويباركوا للعرسان فى الصباحيه كتكم الهم . عدى بص لفهد بغيظ وفهد كذلك بصله بكل عصبيه وبتوعد ولسه عدى وفهد هايطلعوا على فوق الا وسمعوا ........ الحاج صفوان بصوت عالى وغضب بيقول .. اقف يا زفت عندك انت وهو .. مفيش نوم فى السرايه من هنا ورايح غير لما اربيكم الاول تعالوا هنا اودامى. عدى وفهد بصوا لبعض باستغراب ووقفوا مكانهم ???? وقالوا .. اومال هنام فين يا جدى؟!! الحاج صفوان رد وقال .. عندكم الزريبه تناموا فيها من النهارده علشان تعرفوا تحكوا حواديت كويس مع البهايم .. يااا بهايم واياك المح حد فيكم فى قلب السرايه فاهمين؟ كل اللى كانوا موجودين اتصدموا تانى من قرار الحاج صفوان ده .. وبالذات عدى وفهد اللى الصدمه لجمتهم ومقدروش ينطقوا ولا يقولوا بم حتى .. وخدوا بعضهم وخرجوا على بره فى الجنينه من غير ولا كلمه. واول لما خرجوا الحاجه انعام بصت لجوزها وقالت .. حرام عليك كده يا حاج ... شباب وغلطت وماتوصلش انهم يناموا فى الزريبه مع البهايم .. انت قلبك كبير سامحهم المرة دى علشان خاطرى. الحاج صفوان بغضب ........ تواقعتكم ايه الحلقه الجايه منتظرة تعليقاتكم وريفيوهاتكم الجميله اللى بتفرحنى ورايكم فى الحلقه. ويا ترى اللى حصل ده من عدى وفهد هايعدى بسهوله عند هدى وملك ومن غير ما يبقى فيه زعل او خصام او عقاب على عملتهم دى؟ ولا هايبقى ليهم موقف حاسم؟ ???????????? تابعونى على صفحتى على موقع دريمى ليصلكم كل جديد فور نزوله وتدوسوا على القلب لمتابعه احداث الروايه . روايه/ قصة عشق الجزء التانى بقلم/سحر ف*ج يوسف