روايه قصة عشق الجزء التانى
الفصل الحادى عشر
بقلم سحر فرج
الحاج صفوان بحنيه وعطف طبطب على كتفها وقال: اطمنى و اهدى يا هدى يا بتى متقلقيش هو زى القرد اودامك اهو ودى حاجه بسيطه .. تعالوا اقعدوا كلكم وهو كمان يقعد علشان الدكتور منبه عليه ميقفش الوقفه دى خالص لمده شهر ونصف وهاحكيلكم انا على كل حاجة تعالى يا بتى واستهدى بالله وبلاش دموع الله يخليكى .
وفعلا قصى جرى ووقف جنب اخوه وسنده مع فهد وقرب من ودنه وقال: هو ده حصلك بسبب النطه بتاعه البلكونه امبارح يا سوبر مان ???
عدى بغيظ رد وقال: اخرس يا زفت انت بدل ما جدك يسمعك مش كفايه الهم والقرف اللى انا فيه ده من ساعتها .
قصى بشماته رد وقال: ماشى ماشى ما تقلقش يا عريس ?? كده كملت معاك يا باشا ابقى ورينى هاتدخل ازاى على عروستك وتحكى الحواديت كمان با ابوا رجل م**ورة .
ههههههههههه.
عدى بغيظ وبكل حسرة على حاله رد وقال .. الله يخرب بيتك منك ليه
