"DANCE with me."
Malakas na halakhak ang tugon ni Daniel sa imbitasyon ni Jasmin. Mag-aalas-dose na nang gabing iyon. Nasa dance studio sila ni Juliet, isa sa maraming kaibigan ni Daniel. May sariling susi roon si Daniel kaya anumang oras ay nakakapasok sila. Tuwing hindi gustong mag-gym ng kaibigan ay sa dance studio sila nagpupunta para magpapawis.
Pero nang gabing iyon ay si Jasmin ang nagyaya. Pumayag naman si Daniel pero tulad ng dati, mula alas-dose lang ito puwede kaya naghintay siya hanggang sa dumating ito. Linggo kinabukasan kaya pareho silang magpapahinga lang sa bahay.
"May problema ka," sabi ni Daniel na tinitigan siya mula ulo hanggang paa.
Huminga lang nang malalim si Jasmin. "'Play mo na 'yong favorite dance music ko."
Napailing-iling ang kaibigan, saka lumapit sa iPad
