"ULITIN mo nang mas mabagal using terms na mas maiintindihan ng ordinaryong mortal--like me, Attorney?" Nasa park si Jasmin kasama si Daniel nang mga sandaling iyon—ang Prado, malapit iyon sa Calle Amor.
Hiniling ni Jasmin kay Daniel na huminto muna sila para mag-usap. Mas gusto niya sa lugar na iyon kaysa sa bahay nila dahil sa palagay niya ay kailangang-kailangan niya ng hangin.
Mula pa kaninang paglabas ng conference room ay hindi na mapakali si Jasmin, lalo na kapag naaalala ang mas malamig pa sa yelong tingin ni Gareth. Si Miss Glaire naman ay mukhang walang pakialam, tila naaliw pa sa sitwasyon, tinawanan pa si Gareth—si Gareth na hindi umimik sa buong oras na binabasa ang will ni Sir G. Wala na nga itong kaimik-imik ay wala pang kahit anong emosyon sa mukha at mga mata.
"Umupo ka
