Alam ni Ivy na hahalikan siya ni David kaya bago pa mangyari iyon ay umiwas na siya. Nagbigay siya ng distansya sa kanilang dalawa.
"David, what are you talking about?" nanginig ang boses niya dahil sa kabang nararamdaman. Hindi naman dahil sa natatakot siya kundi dahil baka bumigay siya sa tuksong ginagawa nito.
"I'm married..." usal niya pa. Napahawak siya sa dibdib at umiwas ng tingin dito. Sinuot niya na rin ang jacket nito dahil bigla siyang nakaramdam ng lamig.
"Not anymore, Ivy." Seryoso ang boses nito at mariing nakatitig sa kanya.
Nag-isang linya ang labi niya, saka napatingin sa kaliwang kamay. Wala na ang singsing niya na nagpapatunay na kasal siya. At sa huling pagkakataon nakaramdam siya ulit ng sakit sa dibdib.
Siguro nga kailangan na niyang tanggapin na wala na talaga,
