"Heto na, tapos na..." usal ni Ivy sa kausap niya sa cellphone. Ang bestfriend niyang palagi siyang minamadali.
"Best, bilisan mo. Pumunta ka na rito sa bahay para sunduin ako."
"Hindi pa nga ako tapos maglinis dito sa bahay," reklamo niya rito. Lumabas siya ng kwarto habang panay ang spray ng perfume. "Siya nga pala saan ba tayo pupunta?"
"Mag-shopping tayo ng bikini, best. Malapit na ang summer, remember?" excited nitong turan.
Napangiwi naman siya at napakamot sa ulo. "Shopping na naman? Hindi ba napupuno iyang closet mo?"
"Best, swimwear ang bibilhin natin ngayon. May alam akong boutique na may sale. Hurry up na!" atat nitong saad.
"Oo na," aniya.
Pagkatapos ng tawag ay iniligay na niya ang cellphone sa shoulder bag. Palabas na sana siya nang may mag-doorbell. Napakunot ang n
