۵ ۵ ۵
Nararamdaman ko na ang katapusan. Hindi ko akalain na heto na, malapit ko nang matalo ang Diyos ng Kamatayan. Konting-konti na lang.
Natusok ko na ang dibdib niya kung nasaan ang mahiwagang Quiarrah. Nawalan na rin siya ng kanyang mga kakayahan dahil sa mga kadena ni Hassein, ngunit sa isang iglap lang ay sumigaw siya at humiling.
Agad kong naramdaman ang kakaibang kilabot sa katawan ko. Nanlamig ako bigla, at nabawasan tuloy ang pwersang ginamit ko sa kanya. Nagkaroon tuloy siya ng pagkakataong magpumiglas at nagawa niyang makawala sa mga kadena ni Hassein.
At sa sandaling nakawala na siya sa mga kadena, agad siyang naglabas nang pambihirang Armageddon. Nagulat kaming lahat kaya natumba kaming dalawa ni Hassein sa magkabilang direksyon.
Kitang-kita ko rin kung paano nagsimulang
