Palabas na si Trinity para pumasok sa school nang bigla siyang salubungin ni Doti. Nanlalaki ang mata nito habang hawak-hawak ang cellphone niya. "Look, Trinity," anito at saka inilapit sa mukha niya ang cellphone na hawak niya.
"Ano ba iyan?" nagtatakang tanong ni Trinity. Agad namang nanlaki ang mata niya nang makita niyang pare-parehong nasa ospital sina Jem, Clarissa at Megan.
"Ang saya nila tignan noh?" natatawang sabi ni Doti.
"Anong nangyari? Akala ko kagabi ay si Jem lang na-ospital?" nagtatakang tanong ni Trinity.
Tatawa-tawa naman si Doti na para bang masaya pa sa nangyari sa mga ito. "Iyan din ang akala ko," sagot niya. "Kaya lang paalis na rin ako ngayon nang makita ko itong post ni Margo sa social media niya. Parehas nabalian ng buto sa braso sina Clarissa at Megan."
"Hal
