Pagdating nila Trinity at Doti sa room nila ay usap-usapan ng mga kaklase nila ang nangyari kina Jem, Clarissa at Megan.
"Karma nila iyon. Ang bait-bait kaya ni Trinity."
"Tama ka riyan. Sa tingin ko ay karma nila talaga iyon. Masyado silang naghahari-harian sa school na ito. Palibhasa, mas maganda si Trinity sa kanila."
"Huwag sanang pati si Tiffany na maldita ay karmahin din."
Natatawa na lang sina Trinity at Doti habang nakikinig sa pinag-uusapan ng mga kaklase nila. Mayamaya pa'y dumating na si Carson. Agad itong lumapit kay Trinity. "Ayos ka lang ba?" tanong niya agad. Nagtaka tuloy si Trinity dahil updated talaga ito sa nangyayari sa kanya.
"Nabalitaan mo agad?" nagtatakang tanong ni Trinity.
"Ba't hindi e, naka-post ka na naman kasi kayo sa social media. Palagi ka na lang nab
