Kinakabahan si Margo. Papunta sila ngayon ni Sarlee sa bahay nila. Inaya siya nito na kumain doon dahil birthday ngayon ng mama niya. Abot langit ang ngiti ni Margo dahil hindi niya inaakalang isasama siya nito sa bahay nila kahit nito lang sila naging close.
"Nakakahiya naman. Baka kung ano ang isipin nila," sabi ni Margo habang naiilang na tumingin kay Sarlee.
"Ngayon ka pa ba aatras, kung kaylang nasa kalagitnaan na tayo ng biyahe. Don't worry, ipapakilala naman kita bilang isang kaibigan, hindi girlfriend," sabi ni Sarlee at saka siya tinawanan. Natahimik tuloy si Margo. Tila nalungkot ulit siya bigla nang sabihing kaibigan lang siya nito. Ganoon pa man ay masaya pa rin siya dahil ayon kay Sarlee ay siya ang kauna-unahang babae na ipapakilala niyang kaibigan sa mama niya.
"Mabuti n
