“Hindi ako ang pumatay sa babaeng yon! Ano naman ang intensyon ko sa pagpatay sa kanya? Nag imbestiga ba kayo kung may ninakaw ako sa mga gamit niya?!” sigaw ni Rigor ng tanungin na siya kung siya ba talaga ang pumatay kay Marie at bakit niya ito pinatay.
Matapos ang ilang araw na pagpapagaling sa ospital ay inilabas na siya ng mga awtoridad ngunit sa halip na ihatid sa kanyang bahay ay diniretso siya ng mga ito sa presinto para na imbestigahan at ikulong.
“Mister Suva, may saksi kung paano mo inilabas sa loob ng bahay mo ang walang buhay na katawan ni Miss Marie at kitang-kita ng saksi na ito kung paano mo pa sinipa ang katawan ng biktima para tuluyan ng mahulog sa bukas pang poso n***o sa gilid ng bahay mo. Kaya para huwag ng madagdagan pa ang mga kasalanan mo ay umamin ka na. Dahil ma
