Five years later...December 24, 2023, Valerie is turning 40 tomorrow.
Malakas ang buhos ng ulan sa labas. Tulalang nakatanaw sa nakakalunod na tunog ng along humahampas sa dalampasigan si Valerie habang kumakain mag-isa ng kaniyang hapunan kahit five-thirty pa lang ng hapon.
Pagkatapos kumain ay tamad siyang tumayo. Malakas na kumayod ang upuan sa lumang wooden floor ng bahay. Tumataginting pa ang kutsara sa babasaging tasa na bitbit niya habang naglalakad papunta sa lababo. Pagtapos na maghugas ng pinagkainan ay nagpakawala siya ng malakas na buntong-hininga nang patayin ang ilaw sa kusina.
Marahan siyang naglakad papunta sa sala at naupo sa sofa saka binuksan ang tv. Kinuha niya ang libro sa katabing mesa ng sofa at muli ay bumuntong-hininga bago tuluyang buksan ang libro.
Tahimik s
