AOI’S POV
Pagdating namin sa isla ay bumungad sa amin ang kulay puti at mala-pulbos nitong buhangin sa dalampasigan. May mag-asawang naghihintay sa amin doon na ang edad ay sa tingin ko ay mga nasa early 60s. Malayo pa lang ay nakangiti na ang mga ito na kagaya ng sinasabi ni Eoghan ay mukhang hinihintay na kami. Napatingin ako sa aking suot na wrist watch at bahagya akong nakaramdam ng hiya nang makitang halos magpapananghalian na. Hindi ko inaasahan na magtatagal kami sa biyahe, nagtagal pa kami sa pantalan para mamili dahil ang akala ko ay malapit lang. Hindi naman nito sinabi na literal na nasa gitna pala talaga kami ng dagat.
“Magandang araw po, Ma’am, Sir,” bati ng matandang babae nang makababa na kami sa maliit na bangka.
“Magandang araw po. Ako nga po pala si Kadyo, siya naman
