AOI'S POV
Bumalik kami ni Eoghan sa isla kinabukasan upang makapagpahinga. Dumating na rin ang ilan sa mga pamangkin ni Nanay Luming mula sa karatig bayan kung kaya maaari na namin maiwan ang mag-asawa nang hindi nangangamba.
Pagkarating ay agad akong nagtungo sa kwarto at nang mailapat ang aking likod sa malambot na kama ay agad akong hinila ng antok.
Dapithapon na nang magising ako. Mahinang tapik sa balikat ang nagpagising sa akin mula sa pagkakahimbing.
“It’ s time for dinner. Nagluto na ako ng hapunan natin,” ani Eoghan.
“I’ll just wait on you outside,” dagdag pa nito saka hinawi ang ilang hibla ng buhok na nakatabing sa aking mukha.
“Sige. Susunod na lang ako.”
“Huwag ka masyadong magtatagal para maabutan mo pa ang sunset,” habol nito bago tuluyang lumabas ng kwarto.
