"WILL you stay?" kapagkuwan ay tanong ni Sister Carol nang kumalma ang hininga niya.
Ganoon din si Daryl. Kalmado na rin ito kaya dumistansiya na sila sa isa't isa.
"Hindi ko alam kung gaano katagal," sa halip ay sagot nito at sapat na iyon para makahinga nang maluwag si Sister Carol. "Ayokong mangako ng mga bagay na hindi ko kayang panindigan. But I'm not leaving this week. Not… not while you're here, talking to me like this. Hindi ako aalis hangga't nararamdaman ko pa na may kaunting bigat sa dibdib ko."
Nakangiti na tumango si Sister Carol. Pinunasan niya ang mga luha ni Daryl sa manggas niya.
"Sapat na 'yon para sa ngayon, para mapanatag ang loob ko. Bukas, pag-usapan natin kung paano ka makakalabas nang hindi ka hinahabol ng mundong sinasabi mo. Hindi ko alam kung paano kita m
