LIEZEL DELA CRUZ
Pagdating ko sa penthouse ay agad kong inihiga ang patang-pata kong katawan sa kama. Mabigat ang bawat galaw, parang pati kaluluwa ko ay pagod na rin. Dahan-dahan kong ipinikit ang aking mga mata, umaasang kahit sandali ay makapagpahinga ang isip ko.
Pero kabaliktaran ang nangyari.
Sa halip na katahimikan, mukha ni Josh ang malinaw na sumulpot sa aking isipan.
Napabuntong-hininga ako.
Ang bawat sulok ng penthouse na ito ay parang may nakatagong alaala niya—ang sofa kung saan kami madalas magkwentuhan, ang balkonahe kung saan niya ako minsang niyakap habang pinapanood namin ang mga ilaw ng siyudad, at ang kwartong ito na minsang naging saksi sa mga sandaling akala ko ay totoo.
Ibinaluktot ko ang aking katawan sa kama at hinila ang unan na madalas niyang ginagamit. Mah
