"Easy ka lang, boss. Hindi ka namin gagalawin." nakangiting tinapik ng lalaking pumasok sa may pintuan sa gawi niya, saka ito muling bumaba mula sa truck. "Boss, paki buksan ang likod ng truck. May titingnan lang kami sa loob. May report kasi sa amin na mga illegal ang mga nasa loob ng truck mo." sabi rin ng lalaki sa kanya, kaya dahan-dahan siyang bumaba, habang naka taas pa rin ang dalawang kamay.
"Ibaba mo na ang kamay mo. Hindi mo kami kalaban." natatawang sabi ng lalaki na naka sunod sa kanya. Alanganin pa siyang napalingon sa lalaki, dahil nagtataka siya kung sino ito.
Kinuha ng lalaki ang susi na nakasabit sa kanyang pantalon, at binuksan ang kandado ng container ban. Puro mga kahon ang nakita niyang laman sa loob, kaya muli siyang napatingin sa lalaking naka itim at may hawak n
