أيام لاتحتسب

المقدمة: جزء من قصه يلله اخوتي ماوصيكم ماريد جريدي يمر منا تدلل علاوي اخوتي الناس فاتحيلنه بيتهم ومأمنين بينه لازم نحاميهم تدلل خيي عفيه بيكم أني راح اصعد للسطح وانتو فتحو عيونكم عدل دخلت للبيت صعدت للسطح جان الجو حلو السما صافيه والنجوم مطشره مثل حبات سبحه لزمت سلاحي وكعدت بلساتر الي سوينا حته نراقب الطريق عيني عل الشارع البيت صاير رأس فرع ركن لازم اباوع الهن سمعت وراي حركه التفتت بسرعه شفت السهم الصوب كلبي بطوله الفارع ورشاقتهه وبياضه الي مثل بياض العين صافي وشعره الأ**د الواصل لحد ركبه لابسه ثوب احمر عليه مثل اليلك ولافه عل راسه شال الطالع من شعرهه اكثر من المظموم ريحته الي دخلت الخشمي أعلنت عن حظورهه قبل لا اسمع صوته اووووووف ليلى موتني عطرج ماعرف كل الناس تشتم عطرهه لو بس اني مدوخني كاكا أخذ هذا شراب السوس امي دزه الك هههه كاكا حلوه منج ليلى تحجي عربي م**ر اف ميت مره كلت الك اسمي لوليتا مش ليلى وانا ميت مره كتلج ماحب اسم لوليتا ليلى احلى انتي كاكا مزعج ههههه فديته المزعوج مني اكلج هذا الشراب خو ما يسكر احجي واني اشرب بالشراب شنو مسكر شنو يعني خمر ها لا لا ما بيه خمر مشت خطوات صحت وراهه ليلى اف نعم دزيتي شراب للولد الجوه لا هسه اودي لا اوكفي أني اخذه م***ع انتِ تطلعين تخصرت وهيه مزعوجه وتقربت مني صار الفارق بينه قد يكون معدوم وعيونه الخظر تجدح شرار ليش ما اروح أني شنو انتا شعليك كاكا م***ع تطلعين ويشوفوج احجي كوه ارتبكت من قربه عليه أني من بعيد وضايع بيهه مو بهلقرب رادت تمشي صار رمي قوي فزت وارتمت عل ص*ري حظنتهه بين ظلوعي ماردت هل لحظه تروح محاوطتني بأديهه وترجف وانا الفرحه ماسايعتني تمنيت الرمي مايوكف ابد لحظات هيه بس حسيت توقف عده الزمان وصارت ايام لا تحتسب البارت الأول ايام لا تحتسب #طائر بلا تغريد # #رؤى الجبوري الليل كله جاعده اسبح واستغفر توني غفيت وحسيت شي كرصني برجلي فزيت واني مرعوبه يمه دخيلك يبو الحسن دخيلك يبو فاضل ها يمه خيرج ولج يمه مدري شنهي عضني برجلي خاف فاره هههههه لع موش عضة فاره شنهي تعرفين عضة الفاره من غيره جا شمالني ولج ماعرف هاي إلى الله ما مجذبني عضة ابو بريص يا غدي غدي تلعب روحي منه شو افتحي الضوه خلينه نشوف شنهي العضني ههه وهسه ابو بريص منتظرج لمن تشوفينه دكومي كومي أم ل**ن كمت فتحت الضوه وبقيت اكلب برجل امي يمه مابيه شي جا شنهي العضاني يمه هاي يمكن كرصة دكومي اشطفيه وردي نامي أي اكوم اشطفهه وتجدد اريد اصلي لم البنين شو كلبي ماجلني عل خيوتج ان شاء الله يردون بخير وسلامه ان شاء الله كمت تجددت وصليت ركعتين لم البنين وطلبت منهه سلامت ويلادي بعده كعدت اسبح واستغفر لحد ما إذن الأذان صليت الصبح وسلمت عل الحسين عليه السلام وسلمت عل ابو الحسن علي عليه السلام وسجدت و دعيت ربي يحفظلي ويلادي بجيت بحرگة گلب أم فاگده رفعت راسي للسما و دعيت سيدتي فاطمة أم الحسن بجاه ظلعج الم**ور وبجاه **رة زينب الحوراء عندج ترديلي ويلادي سالمين غانمين كملت صلاتي ورحت تمددت بفراشي بين النايمة والصاحية لني جاعده بذيج الهيمه (الصحراء ) جاعده وبيدي سبحة زركة اسبح وعيوني يجرن دمع الدمعة توكع بالكاع واني عيني منه جن ذاك الدمع خظر منه زرع طلعت وردتين حمر وحده جبيره والثانيه صغيره صايره جوه الوردة الجبيرة جني فرحت بيهن واني اشوفهن يكبرن صحت اللهم صل على محمد وآل محمد لشوي واجت عجة صفره ترابه هبت علي كامت الوردات يختظن ويردن ينشلعن من جاعهن خيمت عليهن واني اكول دخيلك يابو الحسن ورداتي ماحس غير علك صار بيدي كيفت ذبيت العلك عل الوردات وره شويه وكفت العجه وطلعت الشمس شلت العلك من على الوردات شفتهن كبرانات وصايره بيناتهن ورده بيضه تخبل جنه شمس ضاويه اللهم صل على محمد وآل محمد شنهي من ورده هاي فزيت من نومتي واني الهج بذكر الصلاة على محمد وال محمد باوعت شفت الشمس توه طالعه صحت البتي زينب ولج زينب ها يمه شتردين خايبه اكعدي بدلي وطيني شيلتي وين تردين من الصبح اليوم اريد اروح لبو الحسنين دخيل اسمه شعدج شفت حلم واريد اروح اتشكر منه يمه هسه خلي يتحقق الحلم عود روحي لع لع اليوم اروح كومي صيحيلي لبو عباس ياخذنه بسيارته زين زين كايمه لبست ثوبي الجديد ولفيت شيلتي وعبايتي يمه هسه راح يجي ابو عباس كومي اكليلج لكمه لع أنا اروح صايمه لبو حسين يا جا ودواج هو دواي امشي بدلي خاطر نتوكل طلعنه وتوجهنه للنجف طول الطريق عيني مابطلت دمع وصلنه رحت تجددت ودخلت للحظره صرت كبال الباب كتله يبو حسين انا بشاربك لتكول مدري ويلادي صارو من بعد الله وبعدك تذكر يبو حسين يوم اجيتك دموعي عل خدي كتلك الناس تعيرني ماخلف والزلمه راح يعرس وانا يتيمه ومالي واحد لو تزوج شلون بيه ومنهو اليلفيني لازمه الباب واحجي ويه ابو الحسنين وما قصرت يبو حسين حين الرديت بعد شهر صار علي وبعده صار حيدر وبعد صارت زينب وانا اتشكر منك لجن هسى راحو ويلادي وانا خايفه عليهم يامن راد يوسف من مغيبه اريدك علي سالم تجيبه زرنه ورحنه تريكنه وردينة لهلنة بس شنهي احس كلبي فرحان اكو بشاره منتظرتني وصلنه البيتنه واشوف حميد واجف بلثنيه ولج زينب هذا موش حميد أي يمه حميد اكيد عنده خبر من اخوتج ان شاء الله وكفنه باب البيت اج حميد يركض كظني من ايدي ونزلني من السياره ها عمه الله يساعدج يساعد بختك يمه زياره مقبوله قبل الله عمالك زرنه وندعينالك ها زنوبه زياره مقبوله دنكت واني اهيس ظلوعي يطكن كتله قبل عمالك غير تكولون خاطر امشي وياكم شلون تروحون وحدكم زينب .... هيه خلتنه نشوف دربنه كعدت من الفجر وكالت يلله امشينه خايبه كظي كاعج يمه حميد سولفلي شوراك هههه عمه جنه كلبج علمج عندي خبر عن الويلاد أي والله كلي شنهو الخبر العندك والله عمه هو موش خبر اكيد بس بلجن يصدك اكو واحد رد من الموصل جان ويه علي يكول داعش ماخذين جنود أسرى بلجن علي وحيدر وياهم ان شاء الله اوف عمه جني اتذكر بيوم الي التحق بيه حيدر الهاي سبيكر هههه سبايكر عمه أي هي هاي سبايكر عسنه نهجمت عل روسهم ان شاء الله بيومه رد علاوي بطل حيلي عليه من السوك لهفان يصيح يمه يمه ها هلا بيك الله يساعدج يمه يساعد بختك هاج هذا المسواك شلون زوري جبت يستاهل ثغرج يابعد امك والله جنت مشتهيه الزوري جنك جاعد بكلبي هههه جا شلون يالغاليه غير انتي كطعه من كلبي يووو يسلم كلبك يمه اكلج وين حيدر ها حيدر مشه وين مشه بس لا راح يقدم على سبايكر ها أي هو كال ماشي لسبيكر دخيل الله أني موكتله لا يروح يقدم شنهي أني هنا طرطور رجل كرسي محد يسمع حجايتي لا يمه حشه كدرك يمه يا كدر انتو خليتو لي كدر عدكم كلي وكتله لا تروح تسجل هاي شغله تخوف ليش ي**ر كلامي ها ليش يمه اخيك من ظيمه راح سجل بهاي من حيت مامش شغل شوفت عينك جاعد وساكت دخيل ربج جا من كون مامش شغل يذب روحه بالموت اسم الله عليه يمه عليوي اغديلك فدوه لا تقلق كلبي عليه الله كريم ان شاء الله مايقبلونه ويرد ليش يمه خلي يمه ما تشوفين الأنبار مشتعله بنار يا ليش عود وادم ماتخاف من الله يمه محد يموت ناقص عمر صح يمه بس الله نطانه عكل نفكر بيه ونعرف الزين من الموش زين أني طالع وين يمه تعال تغده ماريد يمه جا المن جبت الزوري ألف عافيه حبيبة أني طالع للعصر وارد الله ومحمد وعلي وياك يلله في امان الله والله عمه حجي علي صح هو يشوف الدنيه كابه ويروح يقدم عل جيش اوف الله كريم تعال فوت اكل صوغة النجف حلاوة ابو علي أي والله عمه عاشت ايدج زينب جيبي ماعون وصبي لبن عمج وفي مكان آخر كان ال*قيد قصي واكف وكدامه الفيلق ال ..... كال شوفو يولد أني زامطت بيكم واريدكم تثبتولي ان أني على صح كلت الهم هاي المنطقه ماكو غيركم زلام توصلهه اريدكم تشرفوني المنطقه الي راح نهجم عليه صعبه وبيهه مخارج هواي لازم ندخلهه ونطلع الشباب الي محجوزين هناك ومن هسه اكلكم المو كده يطلع وهسه راح احجي وياكم واوزع ادواركم اريد كل اربعه يمشون سوى يصيرون عين وحده وأيد وحده خطوتهم وحده كل واحد ماخذ صوب واحد يباوع على اليمين واحد عينه على اليسار والثالث عينه امام والرابع للخلف يعني اربعه وعينهم وحده يمشون سوه ميبتعدون ابد لحد ما نكمل تمشيط المنطقه كله فهمتوني الكل صاح نعم سيدي هسه يلله كلمن يختار فريقه بدت الجنود تختار أني عندي صويحبي مرتضى وسامان ومحمد ذوله من يوم تطوعة بالحشد واحنه سوه ناكل نشرب نام سوه بعد ما كلمن انجمع ويه ربعه مشينه على شكل جماعات فعلا جانت التشكيله مفيده النه دخلنه للمنطقه والكل جان متأهب واحدنه متوقع بكل دقيقه يموت او يتصوب بدينه نمشي ونمشط بالشوارع والدبابات كدامنه وصلنه بنص الحي وجان تنفتح علينه نيران من كل صوب علي ..... صيرو بصف الدبابه لك سامان لا تبتعد عن التشكيله سامان.... علاوي الرمي من كل صوب محمد..... ارمو عل صوت الرمي مرتظى ..... لك علاوي صارت هوسه علينه علي.... امشو وراي بسرعه دخلت بدربونه زغيره ركضنه والرمي صار ورانه وصلنه لأخر الدربونه وكفو الولد يأخذون نفسهم وانا تمشيت لباب الدربونه باوعت صارو جماعتنه ورانه محاصرينهم الدواعش يرمون عليهم من فوك السطوح رجعت صحت يولد كومو شدو حيلكم خلينه نساعد ربعنه تره تولوهم الأنداس محمد ... ولك علاوي وين نلوحهم ذوله بعيدين عن مرمى سلاحنه باوعت ليفوك شفت مرزاب مال سطح كضيته بيدي نتلته حيل شفته حديد يستحمل خليت سلاحي على جتافي وكلت يا رب عليك وراي يولد كمت اتسلق عل مرزاب وادفع برجليه لحد ما وصلت الفوك البيت دنكت شفت محمد وراي صعد بعده مرتظى وسامان وصلو الولد ليه بقينه مدنجين كعدنه بجهة الدواعش يولد هذوله الدواعش كبالنه اريدكم كل جيله بكلب داعشي كلمن لزمله جهه وبدينه نرمي عل الدواعش الدواعش ارتبكو من الرمي هودو شويه ربعنه كدرو يأخذون نفس ويسيطرون بده الرمي من عدنه ومن ربعنه الدواعش تراجعو صفينه منهم هواي والباقي انهزمو بقة المعركه اكثر من ساعتين بعده انهزموا الدواعش نزلنه من باب السطح رحنه على ربعنه جان هواي مستشهدين شلنه الشهداء والجرحى صعدناهم بسيارات اج القائد وتشكر من عدنه قسمنه أقسام قسم بقه بالمنطقه وقسم باجر يطلع يروح الغير منطقه أني وربعي من الي راح يطلعون اكو ويانه شباب صغار أعمارهم بل 16،17سنه ذوله من تخلص المعركه يشغلون الدي جي ويضلون يردحون على اغنية الطكت والماطكت احنه المنتصرين بس الشهاده لله من يصير الهجوم تشوف واحدهم سبع صاير يتلكه الفشك بص*ره ولا يهاب الموت وألي متزوج يتفدونه تفدي اول ما تعرفنه سألو انت متزوج لو لا كتلهم و شنو الي يفرق لا اكو فرق المتزوج ورى مره وجهال والي ممامتزوج ما ورى غير امه وأبوه وذوله هواي الي يوكفولهم بس المره لا استشهد رجلهه راح تخرب حياته حتى لو تزوجت من بعده بس اطفاله يتعذبون كتلهم والله خوش وجهة نظر هههه المهم شغلو الولد الدي جي وكاموا يدبجون راح كل التعب البيهم يكلك كاعدين بعرس موش بمعركه وعلى ساعه نموت بعد الركص والدبج صار المغرب سدو الدي جي وتوجهنه للصلاة صلينه وتعشينه بعده رحنه كلمن شافله مكان نمنه بيه خليت راسي على المخده والذكريات هجمت عليه اول ما سمعت هاجمين على سبايكر جنت بالكهوه اج سيد علي السلام عليكم وعليكم السلام ورحمة الله وبركاته شلونك سيد هلا بعلاوي شلونك الحمد لله ابو حسين (صاحب الكهوه) صاح السيد يمعود اكلب التلفزيون على العراقيه الموصل احتركت فزيت من كال هيج السيد كتله شنو شبيه الموصل غير داخلين داعش ومسقطينه وداخلين على هاي كليه عسكريه مدري والله شسمهه وكاتلين الطلاب حسيت سجينه ونبتت بص*ري همست سبايكر حجيت وما ريد اسمع الجواب أي ألف رحمه على أبيك هيه سبايكر كمت ولزمت ظهري حسيته ان**ر من الخبر ياخويه ياعضيدي رجعت كعدت من سمعت التلفزيون اشتغل والأغاني تصدح بيه قريت الشريط وجان يطلع عاجل طلعوا صور شباب بعمر حيدر مربطين وسايكيهم مثل الح*****ت تخبلت كمت ادك على راسي وصيح ياخويه ياحيدر عمت عيني عليك لو ميت ولا شايف هليوم التمو عليه الناس هذا الي يطمني وهذا الي يكلي الله يصبرك واني احس حته الدم بعد ما يمشي بجسمي امي لازم اروح يمه خاف تسمع وتتخبل نهضت حسيت الدنيه تدور بيه وظهري متقوس ما يعيني على الوكفه رديت كعدت اسمع الناس تصيح الله الله على كيفك رديت توجيت على الكاع وكمت وهم وكعت بس ماحسيت بعد على روحي شفت روحي بيتنه القديم وحيدر وزينب يلعبون وامي تخبز خبز تمن على الطابك(صاجه) اج ابوي شايل علاليك تلكته امي الله يساعدك ابو علي ويساعدك أم علي هاج المسواك كلش حاره الدنيه أي والله حاره طب اسبح وارتاح علما اكمل الغده حيدر يلعب على الدرج وجان يطيح من رابع درجه سمعت حيدر يصيح علاوي علاوي الحكني علاوي فزيت واني اصيح حيدر حيدر ها خويه شلونك هسه اني وين بالمستشفى خوف*نه عليك يعمي اسف سيد كمت المغذي مجلب بأيدي جريته حيل نفط الدم الله الله ليش عمي هيج ايدك عمي مابيه شي خليني اروح يم امي طلعت واني خايف شلون راح اخبر امي بحيدر