الفصل الثاني

1807 Words

البارت الثاني # #طائر_بلا_تغريد# ايام لا تحتسب وصلت للبيت لگيت الناس متجمهره بالباب گوه دخلت شفت منظر طول عمري ما انسى لكيت امي گاعده بنص البيت ونازعه شيلته ومطلعه ضفايرهه الي من مات ابويه لسه هيه ما محنيتهم وصايرين بلون الفضه زينب نايمه على رجليهه والنسوان داير مدايرهه بس هيه ابد مجانت تبجي من شاف*ني صاحت هلا هلا بوليدي وخيمتي ولك حيدر واكع بظيج وانت الي تطلعه منه ركضت حظنته وكتله وداعتج يمه وداعت كل دمعة وحسرة وداعت كل ليله كظيتيه سهرانة ويانه باجر رايح وما ارد اله ارده وياي عدل ميت ارده وياي دنجت على ايدية بستهن ودخلت الغرفتي جانت اصعب ليلة تمر عليه كبل الأذان طلعت اشرب ماي شفت امي كاعده بغرفت حيدر وتنعى وتكول يمة البيت وحشة وليش ماجيت يايمة أعله بختك ترحل شلون وليدي دموع ثكلى الصبت أعليك تون وتنوح مو مثل الينوحون اذا دمعاتي نشفن فوك الخدود اظل عليك اصبن حتى الجفون ولا ريدن عيوني ونورهن راح وهيه بلاية نور شتسوة العيون كعدت كبال الباب وخليت راسي بين اديه واني اسمعه تون وتنوح أذن الأذان كمت توظيت وصليت سجدت و دعيت من كل كلبي لو اموت لو ارجع اخوي بعده كمت حظرت جنطتي وبدلت ملابسي وطلعت أودع امي دكيت الباب يمه كاعده أي يمه كاعده تعال فوت شلونج يحبيبه الحمد لله كلبي يوجعني على اخوك الله كريم يمه ان شاء الله يرجع لا تخافين عليه حيدر سبع ومايخاف يمه الحرب مابيه سبع الله ارحم الراحمين يمه أنا هسه رايح وما ارد اله وياي حيدر مودع بالله ومحمد وعلي وليدي الله يسهل طريقك ويردك الي بخير انت واخوك اخذت ايده بستهه وكتله يمه لا تنسينه من دعائج بكل وكت ادعيلكم شعندي غيركم انا يلله رايح انا وكفت وشلت جنطتي اوكف اخذني وياك رديت كعدت وين يحبيبه اخذني وياك اريد اروح لبو حسين علي (،عليه السلام )اريد اشكيله حالي خوش ميخالف اخذج اصعدج بسيارة النجف اطيني هاي هديماتي التفتت شفت اهدومهه على المخده شلتهن انطيته الهن وكتله راح اكعد زينب أي كعدهه خاطر تبقه بالبيت خاف واحد يجي طلعت كعدت زينب وكتله انا رايح سلمت عليه وبوسته ورديت لمي لكيته لابسه شيلته وعباته من غير عصابه ركظت جريت العصابه وكتله هاج يمه هاي عصابتج لا يمه ما تصير على راسي عصابه الا ما رديتو وهاي عصابتي ماشيه اذبه بشباج ابو حسين طلعنه انا وامي للكراج هناك صعدتهه للنجف وانا رديت الموقع التسجيل وصلت الدنيه مكلوبه شباب وشياب واكفين يسجلون أسمائهم والي يسجل اسمه يطوه ورقه يروح يصعد بالسياره كبل للموصل بقيت واكف ويه السره لمن اج دوري سألني الولد اسمك علي حسن إدريس عمرك 30،،سنه متأكد تريد تتطوع بالحرب ظد داعش أي متأكد هاك هاي الورقه وروح اصعد بالسيارات شلت جنطتي وتمشيت للسيارات جانت الناس واكفه كل ما تجي سياره تركض الوادم تتشلبه مثل القروده موش تكول ماشين للحرب حسبالك ماشين لعرس السياره توكف منا تنترس منا ماكو ثواني شايفين بيوم الأربعين مال الحسين سلام الله علي من ترد الوادم وتجي سياره الوادم تركض عليه هيج صارت الوادم سيارات جيش س**ات تنكل شباب وشياب كل ما توكف سياره اركض بعدني ما وصلت قبطت وطلعت لو اوصل بس ما الحك اصعد بقيت لحد الظهر الناس فرحانه تريد تروح تجاهد آخر شي تعبت كعدت على المصطبات حته ارتاح شفت شايب شايل علاكه مبين بيه ملابس ويركض وره السياره التوكف بس شني مبين تعبان من يوصل للسياره وتقبط يبقه كاعد بلكاع تمشيت عليه كتله السلام عليكم عمي باوعلي وخله ايده على عيونه يركز كال وعليكم السلام عمي خيرك مضيع احد تركض وره السيارات ابتسم وكلي لا عمي انا موش مضيع بس انا اريدن التحق ويا الشباب للموصل بقيت صافن عليه رجال شايب شعره ابيض حته رموشه بيض جسمه مخشب من الضعف كتله عمي بس انت تكدر تحارب تره ذوله مايرحمون ضحك وكلي لا يغرك عويداتي (يقصد على جسمه مثل العوده،) تره انا بميت زلمه ههههه والله والنعم منك بويه احنه كظيناه العمر كله نركض من حرب الحرب ومن ظيم الظيم وكله موش بأرادتنه هاي الحرب الوحيده الي احنه رايدينه خلنه يكولون ورانه الله يرحمه راح شهيد حقك والله عمي اكعد هنا وانا اليوم ما اركب بالسياره الا ما اخذك وياي بعد ساعه اجت سيارة جيش جبيره وكفت غاد مني ركضت صعدت بيه شافني الحجي اج يركض اطيته ايدي وصعدته وياي كعدنه انا ويا انترست السياره شويه تحركت والشباب كلمن كام يهز من كتر شلون الزفه مطلعين أجسامهم من السياره ويهزون الله وكيلكم تونسنه وياهم علي علي باوعت القائد رياض كمت على حيلي نعم سيدي شعندك كاعد لسه لازم تنام ترتاح باجر ورانه مكان نطهره والله سيدي بالي يم اخوي ليش هو وين اخوك أوووف سيدي اخوي بقاعدة سبايكر لا صدك والله أي والله زين معرفتو شي عنه لا ابد صارلي تقريب الشهر هنا كل ما نوصل المكان اسأل شوف قبل أسبوع جنت بلقاعده وسمعت كالوا لاكين مجموعه من الشباب الي جانوا بسبايكر بس مجنت مركز وياهم باجر اسأل واردلك خبر بلكت ونلكى اخوك وياهم يارب سيدي انا حالف مارد لهلي اذا ما ارد اخوي وياي عدل ميت لا ان شاء الله ترجعون سويه انتوا ابطال وهسه كوم نام باجر ورانه تعب حاضر سيدي بعد ما راح القائد حسيت بل أمل تسرب اليه كلت يارب وتغطيت ونمت ثاني يوم كعدنه من الخمسه صلينه وتحظرنه للمسير ركبنه السيارت رتل كامل اكثر من نص ساعه وكفت السيارات تغير اتجاه الرتل عرفنه ان اكو جنود محاصره وصلنه منطقه قريبه على الرمادي نزل القائد ويا الضباط صاح تجمع تقربنه عليه كال اولادي اخوانكم عشرين واحد محجوزين بهاي المنطقه والأسناد بعيد عنهم ولان احنه قريبين عليهم راح نتوجه حته نطلعهم هسه اريدكم تشدون حيلكم وتذكروا اليوم همه محتاجيكم يمكن باجر انتو محتاجيهم كلمن شال سلاحه وصاح احنه اله سوه خطه القائد بعد ما درسوا المنطقه وعرفوا شلون ندخللهم عرفنه صارلهم 40ساعه همه على فد معركه يعني حيل تعبانين وأكيد عتادهم بدء ينفذ وحته ميهغير نفسيتهم التعبت تقريبا بدت المناوشات الساعه عشره الصبح بدينه بلهاونات والدبابات وهمه كامو يرجعون النه الض*به بعشره تقريب الساعتين بعده كدرنه نفتح طريق لجنودنه كال الملازم نزار شباب هذا الطريق فتحنا اريد متطوعين يدخلون يساعدونهم لأن ماعدهم طاقه طلعت الشباب كلمن يكول انا وانا من ضمنهم اختارو بيناتنه الأقوى دخلت انا وياي تسعه ربعنه يحمونه جان المكان موحش منطقه ريفيه بس مابيه روح جثث الدواعش بكل مكان ريحة الموت وريحة جيفتهم تخنك وصلنه قريب على البيت الي بيه ربعنه صار الرمي علينه قناص مانعرف منين تجينه الطلقه تراكضنه كعدنه تحت تله بدينه نتناوش وياهم كال العريف اسمعوني اخوتي احنه اذا بقينه كلنه هنا راح نموت كلنه كتله والحل كال الحل ننقسم قسمين قسم تبقه هنا تلهي القناص وقسم يدخلون للولد امرك سيدي يلله يولد صحت بيهم ر دخلنه أني ولد اسمه عزيز واحد كردي اسمه ازاد والباقين بقوا يتضاربون ويه الدواعش من الباب صحنه ها خوتي احنه فرقت الأسناد فتحو الباب دخلنه للبيت تلكونه مثل أم تتلكه ابنهه يحظنون ويبوسون بينه ولا جنه اول شوف*نه الهم انتو شكد عشرين واحد خمسه استشهدوا وثنين جرحى باوعت الجرحى مضمدين الشهداء بغير غرفه مخلينهم تعرفون اصعب شعور لمن تكون متاني الموت كاعد بنص الشهداء وماتعرف يادقيقه تموت كتلهم يلله خوتي تعاونو على اخوتكم الجرحى ولشهداء وخلونه نطلع منا كل ثنين شالو واحد طلعنه كبلهم اشرت للعريف كال اطلعوا طلعتهم واحد واحد لحد ما كملوا طلعت وراهم وربعنه مناك يرمون لحد ما وصلنه للخلفيات تلكونه الولد خذو االجرحى من عدنه والشهداء خلوهم بسياره ونقلوهم كعدنه جوه سياراتنه اباوع للولد الطلعنهام وجههم رد بي الدم وعيونهم بدت تظحك أكلوا وشربوا و بدو يسولفون شلون دخلوا للمنطقه وشلون حاصروهم وشلون بقوا صامدين لأخر دقيقه ابتسمت شافني أزاد اج يمي كعد كال ها كاكا شعندج تظحكين ابتسمت اكثر على حجايته انتجيت على السياره ورفعت تك رجل وسلاحي بصفي كتله ههه اتذكرت حجايت امي أي و شنو تكول امك امي حبوبه مال نسوان ازاد جان داير وجهه عني من كلت حبوبه مال نسوان اندار عليه وربع رجليه وكلي شنو حبوبه مال نسوان هههه يعني جده و شنو جده يبوووو يعني تولد النسوان الحبل أها حبل يعني شنو ازاد تروح من يمي لا اطيك دفره ارجعك لهلك شبيج كاكا علي ليش انزعجت غير افهم شنو تحجي هههه هم صح شوف خلي افهمك من المره تحمل تصير حامل وتريد تجيب يجيبونه يم امي هيه تولدهه ها كاكا فهمت عليج يعني امك انت سستر أها رحمله على والد*ك أي كمل كاكا نتر ازاد أي فمن جانت تجي يمهه المره الحامل جنت اتخبل أني من اشوفه تتوجع وتصيح بعدين وره الولاده تكعد كلشي مابيه تسولف وتظحك مره سألت امي كتلهه يمه اذا الولاده هلكد توجع ليش النسوان تحبل ظحكت وكالت ههههه يمه هذا يسمونه الوجع المنسي يعني من تولد وتكوم بالسلامه تنسى ولا تذكره لحد ما تحبل مره ثانيه ازاد...... هههههههههه باوعتله واني متأكد مفاهم شي كتله ازاد فهمت شي من الي كلته هههه لا والله كاكا كلشي ما فهمت من حجيج ههههه عرفتك والله يعني شوف هلشباب صارلهم يمكن يومين لا اكل لا شرب غير الخوف من الدواعش وبس طلعوا من الحصار رجعو طبيعي وباجر يرجعون يقاتلون يعني هم ينسوون الي صار هنا أي وهذا يسمونه الوجع المنسي بلضبط هههههه فاجئتني كاكا ازاد امر القائد بأنسحابنه كتله سيدي ليش ما نهجم عليهم ونحرر المنطقه هاي لا علي لا هاي المنطقه بعد وكتهه لازم نرجع للخلف نحرر المناطق الي قبلهه لازم ندخل بالسره احنه لو ما زلمنه محاصرين منطب هاي الطبه بس لتخاف نرجع اله وعيونك تم انسحابنه من المنطقه رجعنه المقرنه لحد ما تجينه أوامر ثانيه بليل جنه كاعدين نتعشه انا وياي ازاد ومحمد واحمد كملنه عشه سويت جاي اج الضابط بلال السلام عليكم وعليكم السلام سيدي استريحوا اشتميت ريحة الجاي واجيت ههه ههه موتدلل سيدي هسه اصبلك احسن جاي كمت غسلت الكلاص وصبيتله جاي نشرب ونسولف جان تطبك سياره باب المقر باوع ضابط بلال كال انا اخوك باوعنه نزلو دواعش ثنين وياهم ضابط كمنه على حيلنه مستغربين دخلو على القائد ضل واحد يباوع على واحد كال ضابط بلال لتخافون ذوله استخبارات متخفين لا بربك يعني مو داعش لا لا احنه عدنه هواي ناس عايشين ويه داعش ينقلولنه الأخبار وهسه بعد هذا الاجتماع راح نعرف وين نتوجه ها كاكا بلال يعني ذوله مو دواعش طبعا واحد بقه يباوع للثاني آخر شي متحملنه طكيناهه ظحكه هههههه ولك جا احنه شنحجي صارلنه ساعه كال الضابط بلال ثاني يوم الساعه أربعه الصبح كعدنه على صوت العريف يصيح انتباه انتباه ركضنه لكينه القائد واكف من انجمعنه كال يلله شجعان العراق هسه محتاجكم اجتنه أوامر نطلع هسه نروح المنطقة ال ...... نحرره اعتقد اخذتو كفايتكم من النوم والراحة هسه الكل يبدل ويتريك حته نتحرك حاظر سيدي كملنه لملمنه غراضنه وتريكنه وصعدنه السيارات بلطريق كال ازاد كاكا علي انتي ليش متنزلين لأهلج اصدقائج كلهم نزلو بس انتي أه أه كاكا أزاد ماعرف شنو اكلك كولي الصدق كاكا علي ههههه الصدق ما اكدر ارجع للبيت اذا ما رجعت اخوي وياي اخوج انتي هنا أي اخوي سولفت الكاكا أزاد كلشي الله يساعد كلبج كاكا علي وتلكين اخوج امين رب العالمين وصلنه للمنطقه المنشوده جانت كلش صعبه الدواعش معشعشين بيهه تقريبا منطقه مغلقه مابيه منفذ غير واحد وبيد الدواعش لازم نبيد الدواعش حته ندخل على القريه فعلا بدينه نرمي عليهم اجتنه التعزيزات جيش وعتاد وسلاح اج ولد مصلاوي اسمه عمر صارت وكفته يمي هو عنده هاون اسمعه كل ميرمي يصيح هاي هديتج فرقد رمه مره ثانيه كال هاي لعيونج فرقد اخذني الفضول اعرف منو فرقد الي خابصنه بيه طبعا ماعدنه كعده بس نسولف واحنه نرمي كتله الله بالخير خويه باوعلي بعيونه العسليه وكلي كل الهله حبيبي

Free reading for new users

Scan code to download app

App Store Google Play

Facebookexpand_more