الفصل الثالث

2777 Words

البارت الثالث ايام لا تحتسب #طائر_بلا_تغريد مرت الأيام علينه واحنه نقاتل داعش يوميه اخابر امي اسلم عليه واطمنه بكل مكان اروح ليه أنشد على اخوي أنشد النازحين أنشد الجيش القائد صار كل الوياي ينشدون عليه بس مامش خبر لا عرفت بيه ميت ولا حي صارلي ست اشهر هنا بهذا المقر ناس تجي وناس تروح اليوم جابوا كتيبه جديده من شباب متطوعين بلحشد انا لان صرت معروف صارو يعتمدون عليه بتدريب الشباب الجديده انا وياي كاكا ازاد وعمر يعني اعلمهم ادربهم على السلاح جنت منتظرهم باب المقر وكفت السياره نزلوا شباب اشرت الهم اصطفوا هنا وكفوا اج الضابط حجه وياهم وبعدين كلي رتبهم انت بمعرفتك اخذتهم دليتهم على مكانهم وعرفتهم على الشباب وبعدين انطيتهم درس بلقتال جان وياهم ولد كلش حلو العيون خظر بلون العشب والوجه ابيض منور والخدود حمر الشارب ويه اللحيه شكره الرمش طاخ ويه الحاجب ركزت على حواجبه كلت خاف داكهن تاتو تقربت عليه ابتسم جنه عرفني كلي ها خويه تره كله بلادي الله وكيلك صبت ربك ههههه اعذرني يخوي بس تره كلش حلو انت شجابك انت هنا ماتكلي ابتسم دنك شويه ورد رفع راسه وكلي لا تهتم يخوي خليه وره الله انت شسمك اسمي كمال انا علي شتحتاج بس كلي ونعم منك خيي ما تقصر علاوي بعد يومين صار عدنه إسناد للفرقه الرابعه قدمت السيارات صعدنه كلنه اج كمال صعد كلت بكلبي هذا شلون بيه بعده ماشايف الحرب خاف هناك ويكوم يبجي ههههه وصلنه للمنطقه البيه المعركه شاده نزلنه بين الهجوم والدفاع جانت معركه حاسمه لان هاي القريه بحدود الرمادي اذا فتحناهه معناته ندخل الرمادي . بقينه اربع ايام بيهه جنت متابع كمال بصراحه ادهشني هلولد يقاتل بشراسه وين اكو اشتباكات يذب روحه حته كمت اشك جاي حته ينتحر شايل رشاشته ويمشي على طوله بس بين كل جم ساعه اشوفه يكعد بمجان يطلع محفظته يبقه يعاين عليهه خمس دقايق بعده يرجع للقتال اسبوع كامل احنه نقاتل استشهدت هواي شباب وجوهنه انطعنت من التراب والوسخ الا كمال يضوي بيوم كاعدين بليل شويه هدئت المعركه كعدنه نرتاح كال كاكا ازاد شوفوني شلون صرت مثل طاسة الجص هههه محمد كال لا كاكا صاير مثل لون البعير ترابي ههههه التفتت على كمال كاعد بصفي شفته يظحك كتله خوب انت ولا يبين بيك لا تراب ولا وسخ هههه دنك وكلي هذا الجمال عليه نقمه مو نعمه اتمنيت لو جنت املح اصلع مكرش أي والله ياريت وجر حسره كتله ليش يخوي تره الله جميل يحب الجمال أي صح وهو راسه بس حسيته مو على بعضه كلت خلي على راحته لازم يجي يوم ويسولفلي سالفته ورى الأسبوع كدرنه نفتح المنطقه دخلنه عليه تمشيط ودورنه على القنابل والمفخخات ثاني يوم سلمنه المنطقه بيد الجيش ورجعنه للمقر مالتنه بيوم النرجع للمقر نكون تعبانين هلكانيين نذب ارواحنه بس نام ثاني يوم كعدت الصبح جان عدنه واجب نمشط حي من أحياء الرمادي شاكين بيه مفخخ لبست انا وازاد ومحمد واج ويانه كمال طلعنه ويه فرقت كشف الألغام وصلنه للحي فتشنه لكينه بيوت ملغميه دخلت فرقة الألغام فككوه وطلعوا بعده دخلنه احنه فتشنه على ناس ذخيره لكينه مخزن جوه الكاع بيه اسلحه وذخيرة وقنابل سلمنا للقاده ورجعنه للمقر احنا فرقتنه عباره عن فرقت إسناد يعني جيش محاصر نفك حصاره او منطقه صعبه نساعد بفتحه هيج شي بعد ما رجعنه للقاعده الكل نام انا كلبي مامرتاح على اخوي وامي صارلي اكثر من ست اشهر ماشايفهه بس اخابر كل يوم ومن استلم راتب ادزه بيد ناس توصله الهم طلعت اشرب جكاره بره المقر شفت واحد كاعد عرفته كمال سمعته يدندن ويه روحه صوته كلش حلو سمعت الأغنية هاي الاغنيه انا كلش احبه الهيثم يوسف احباب الروح كعدت بعيد عنه واسمعه يكول احباب الروح جرحوني راحو لبعيد وخلوني ظلموني ليش ظلموني منهم يا ليل حرموني يا ليلي يا ليلي يا ليلي لو مر الليل يواسيني ويحاول بلكي ينسيني عشت وياهم احلى سنيني ذكراهم ما تفارق عيني يا ليلي يا ليلي يا ليلي كل لحظة تمر قاريهم كذاب ال قلك ناسيهم بعيوني وقلبي مخاليهم دور بالروح تلقيهم بعيوني وقلبي مخاليهم دور بالروح تلقيهم يا ليل يا ليلي يا ليلي يا ليلي تقربت منه كلت أي هاي خوش فرصه الي افهم سالفته رحت عليه كتله ها خويه الله يساعدك الله يسلمك خيي رد كمال ها شوجاعد هنا شعندك والله يخوي ما اكدر انام الي ماخذ عقلك نايم متهني هسه وانت متمرمر أووووو ف يخوي المآخذ عقلي ظلمني تن*د هاي الدنيه يخوي مانصفت احد واحنه هنا كلمن عنده قهر بكلبه بس الله جمعنه هنا حته يشيل عنه ذنوبنه ويخفف قهرنه من نشوف ضيم الناس يخف علينه قهرنه صح كلامك علاوي واني حيل ارتاحيتلك وراح اسولفلك سالفتي التفتت عليه وكتله سولف يخوي وداعتك تندفن بجاعه جان منتجي على ايده عدل كعدته وثنه ركبته وكلي انا من يوم نولدت كل الي يشوفني يحبني ان جان بنيه او ولد بسبب شكلي حلو وين ما اروح الناس تلتم حولي ويحاولون يحجون وياي دخلت المدرسه وصارت المعلمات وحده تشيلني وحده تذبني انولد عندي غرور مو طبيعي صرت اشوف الناس كله اصغر مني حته اخوتي صح همه هم حلوين بس مو مثلي بيبيتي جانت تفضلني على اخوتي جدي هم هيج المهم الناس كله تحبني كبرت صرت بلمتوسطه هنا دخلت سن المراهقه واشوف الولد والبنات يتقربولي يحاولون يجذبون انتباهي صارن البنات يتقاتلن عليه أهملت دروسي وصرت اتنقل من بنيه لبنيه حته فلوس ينطني حته بس احجي وياهن لو اروح وياهن الفد مكان تركت المدرسه بحجة ماعندي واهس للدراسه اخذني بابا شغلني عد واحد صديقه بسوبر ماركت قريب على بيتنه كامت البنات تطلع وتطب للسوبر ماركت أشكال والوان واني صرت خبره اسولف ويه هاي وظحك الهاي وغازل ذيج ماكو بنيه بلمنطقه ما مرت عليه صرت اعرفهن كلهن بيوم جنت كاعد بلمحل وطبعا يمي بنات عود يتسوكن طبت بنيه سمره شعره اسود تقريبا اكبر مني بعشر سنوات بس كلش حلوه لابسه نظارات وفستان بيج مشجر بجوزي ههه لسه اذكر الثوب الي اجت بيه اول ممره شايف هيج هههه المهم طبت للسوبر ماركت اخذت سله وراحت بعد شويه رجعت تارسته غراض راحت على ولد ثاني واكف يمي حسب اله الغراض اخذتهن وراحت ثاني يوم هم اجت وهم اتسوكت وراحت على سالم ما اجت الي رغم أني جنت واكف مايمي واحد مهتميت تكررت هاي الشغله يمكن اسبوع بصراحه اشتغلت عندي الغيره شني تتجاهلني واني كمت اتعمد من تجي ما اخلي وحده يمي هم ما اجت عليه بعد عشر ايام فاض بيه بعد ما اتحمل التجاهل أني كمال وحده مثل هاي تتجاهلني تخبلت انتظرته من طبت للسوبر ماركت رحت على سالم كتله سلوم حبيبي خليني اوكف بمكانك اليوم وانت أخذ مكاني ها شكو كمال عندك شي همس سالم اشرتله عليه كتله اريد احجي وياهه ههه كول هيج تدلل راح سالم واني اخذت مكانه شويه اجت تمشي وشايله السله خلت الغراض على الميز وكالت احسبلي ذوله حاظر ست حجيت بظحك رفعت راسه متعجبه التفتت على مكاني وردت باوعتلي اليوم هنا والله بكيفي محلي وبكيفي ههههه تمام لعد احسبلي الغراظ اريد اروح كلش انقهرت منه جريت الغراظ وبديت احسب بيهن كملت خليتهن بعلاكه وانطيتهيا شالت الغراظ وطلعت كظيت اليوم كله أني مزعوج بس عاندت وياهه كلش ثاني يوم هم اجت جانت مظبوطه بمواعيده يوميه بلعشره الصبح تجي أني تحظرت دخلت من الباب لابسه نظاراته اخذت سله وراحت تتسوك كملت اجت بدون متباوعلي خلت الغراظ اشو يوميه تتسوكين شنو لازم عائله جبيره انتو رفعت نظاراته وطلعن عيونه العسلي صدكني شفت صورتي بيهن من كد ما صافيات كالت لا مو عائله جبيره بس أني اشتغل بلبيت اسوي كيك وحلويات فرحت لان بدت تحجي وياي كتله أها كلش زين لعد انوبه نشتري منج كيك وين بيتكم شالت الغراظ وطلعت فلوس خلتهن على الميز وكالت الي يسأل ما يتوه طلعت من المحل بدون متنتظر جوابي حيرتني هلبنيه هاي بقيت مشغول بيه بشكل يوميه انتظر جيته بيوم اجت عليه وحده من صديقاتي عزمتني على عشه طلعت وياهه بعد ما تعشينه بلمطعم رحنه البيتهه وكفت سيارته ونزلت حته تفتح الباب نزلت من السياره صارت بوجهي رباب منو رباب البنيه الحبيته أها كمل كمل شلون صدفه هاي من شفته تخربطت احوالي باوعتلي بنظره عمري مراح انساهه باوعتلي ودخلت للبيت عرفت هذا بيتهم تخبلت كلبي كام يوجعني قبل سامع من واحد يكول ياكاع انشكي وبلعيني فعلا بذيج الساعه ردت الكاع تنشك وتبلعني ماعرف ليش اهتم بيه رغم هيه ابد مو من مستواي هههه جا غير الحب أعمى نترت بيه ماعرف ليش انقهرت من كمال الله يساعد رباب كال وهو يبتسم فعلا الحب أعمى واطرم هم ههههه المهم دخلت البيت البنيه لكيته محظره ميز وحبشكلات دخلتني وراحت تحظر نفسه الي ههه يحجي ويظحك مستحي كتله أي عمي شكو على كلبك هههه ابتسم ابتسامه بقهر كمل بدون ما يعلق على كلامي كال من دخلت البنيه حته تتحظر الك مو ههههه حجيت بخبث هههه اي تتحظر الي جا غير انا توم كروز ههههه من دخلت البنيه حسيت البيت خنكني ضاك النفس عليه كمت اشهك وعيوني يجرن ماعرف من القهر لو من غير شي فعلا مرت عليه دقايق كرهت نفسي حسيت بعد ما اتحمل بعد طلعت من البيت منهزم ماعرف من البنيه لو من نفسي وكفت بلباب وعيني على باب بيت رباب لكيت نفسي اروح وادك الباب بقوه كأنما واحد يركظ وراي شويه انفتح الباب طلعت رباب لابسه تراك اسود بيه ورده حمره شايله شعره ليفوك بارزه ركبته انتبهت عليه بكل تفاصيله من عيونه الحنجه بعدين ركزت على الشفايف هههه شايف طفل ومسوي جريمه وخايف من امه لا اتعاقبه هيج أني حالتي بذيج الساعه اخر شي كتله والله والله مسويت شي ابتسمت وكالت واني شعليه بيك خبلتني من كالت هيج من صدك طلعت خبالاتي كمت اتصيح انتي شنو متحسين هنا شكو وأشر على كلبه هنا شكو حجر لو شنو ميدك مثل الناس فهميني باوعت للبيت وهيه لازمه الباب وكالت أش أش فضحتنه شبيك تره اني مو مثل غيري وتباوع على بيت علا علا منو نترت علا البنيه الي رحت وياهه انعل ابو علا لابو عمه منو كلج انتي مثله لعد شبيك جاي تصيح منا العالم بعدني ماحجيت طلعت علا صاحت كمال درت وجهي شفته لابس روب ولافه نفسه بيه مبين لابس ملابس جوه مفضوحه هاك استلم كالت رباب التفتت على علا كتله طبي جوه هسه اجي التفتت على رباب كتله بعيني رباب عبالج ماكو غيرج بلدنيه رجعت البيت علا واني اكول أني شجاي اسوي جاي اعاقب رباب لو اعاقب نفسي ردت بس واحد يجرني بهل لحظه ويطلعني من هذا الطريق وصلت البيت علا درت وجهي شفت رباب مثل الواحد مصدوم بقت واكفه وتباوع يمكن نشف الدم بيه طبيت وسديت الباب وكفت وظهري على الباب لحد ما سمعت باب بيت رباب انسدت رجعت فتحت الباب وطلعت شارد من كلشي ثاني يوم مارحت للشغل ثالث يوم هم مارحت بقيت اسبوع نايم مصخن مالي خلك بعد الأسبوع طلعت للشغل دخلت للمحل سوالف ويه الولد وبنات وشي عيني على الساعه شوكت تصير الساعه بلعشره مشتاق اشوفه أي مشتاق كلش صارت العشره واحس كلبي يدك ويه دكت الساعه عيني على الباب وأيدي على كلبي انفتح الباب دخلت بشكله بطوله الحلو ب*عره الأحمر متموج لابسه اسود اوف شكد حلو عليه الأسود من شاف*ني حسيته تفاجئت دخلت رئسآ اجت عليه كالت وين جنت صار لك اسبوع ماكو دنكت واني احجي كتله جنت مريظ لا مو مريظ بس مهزوم باوعت عليه بتحدي كتله لا مو مهزوم لعد شنو معناته تصرفك هذا شوف أني الي يريدني لازم يكون شجاع قوي يسوي المستحيل على مودي مو من اول معركه ينهزم ويصخن ابتسمت كتله وانتي شمدريج جنت مصخن هههه اكيد مصخن خديداتك ذبلانات تلمست خدودي وكتله تروحلج فدوه خديداتي ههههه استمرت علاقتي ويه رباب تبادلنه الارقام نتراسل على طول نسولف مرات نطلع المطعم جانت الي أم وصديقه وحبيبه وياهه ابد ماحسيت أني رجال جنت احس احبه حب مابي مصلحه ولا حب جسد لا حب طاهر نظيف بس جانت هواي تقارن بيني وبينهه أني جبيره وانت صغير بعدك أني سمره وانت قشطه ههههه شفته ابتسم كتله ها شتذكرت أني جبيره وانت صغير بعدك أني سمره وانت قشطه ههههه شفته ابتسم كتله ها شتذكرت هههه مره كاعدين أني وياهه بمطعم جانت الكراسي وحده بصف الثاني يعني كعدنه سوه جانت مخليه ايده على الطبله أني هم خليت ايدي بسرعه جرت ايده نزيت كتله ليش جريتي ايدج كالت ههه وك ستحيت من ايدي سوده يم ايدك جريت ايده خليته على شفايفي بستهم وكتله احلى ادين وربي مرت الأيام علينه صافيه مثل الشهد صار عمري عشرين سنه وهيه عمره 30،سنه أني ازداد جمال وهيه تكبر بيوم طلعنه نتمشى اجت بينه تبيع كلنس كالت عفيه عمو اشتري مني باكيت الله يخليلك امك ههههههه أني ظحكت صدكني مجان قصدي اقهرهه او ان افرح بلي كالته الطفله لا ابد ظحكت على فطاريت البنيه كتله لان حلفتيني بلغاليه راح اشتري منج اشتريت ودرت وجهي مالكيت رباب رباب رباب ماكو ركظت ادور عليه ماكو خابرت أنطتني رفظ رجعت للبيت وبالي يمهه اخابر يطلع مغلق الليل كله يمكن ألف مره خابرت ثاني يوم طلعت للشغل عيني على الساعه صارت بلعشره دخلت رباب اجت عليه كالت كمال تعال وراي اريدك هسه وخلت وطلعت صحت وراهه يمعوده تعالي شبيج ماكو عرفت رايحه للحديقه الي نلتقي بيهه رجعت اخذت اجازه ورحت عليهه لكيته كاعده باب الحديقه شاف*ني دخلت جوه مشيت وراهه وحاسس اكو شي مو طبيعي كعدت على المصطبه كعدت يمه التفتت عليه وعيونه مورمه بدون مقدمات كالت كمال احنه لازم ننفصل بعدني ما مستوعب الكلام ردت كالت أني وياك هواي مختلفين باوع عليه كمال شنو اخرتنه نتزوج نترت بيه أي وتزوجنه بعد اول طفل أني راح اكبر وجسمي يتخرب عيوني يطفن خدودي يذبلن وانت انت تجدد شباب وجمالك كل متكبر يكبر وياك عبالك ورده وتنسكي بلمقابل أني راح اشيخ واصير عجوز وانت تصير تدور بنات وتقارن بيناتنه والأطفال اذا طلعو عليه كل الي يشوفهم يكول حرامات لو طالعين على ابوهم واذا طلعو عليك يكولون همزين طلعو على ابوهم كمال واني ابقى اتحسر والغيره تاكلني كمال أني ما اتحمل اشوفك تباوع الوحده غيري وبنفس الوقت ما اكدر اظلمك انت تستحق وحده حلوه صغيره تعيش وياهه عمرك أني ما اكدر انطيك الي تريده بقت تسولف وتشرح واني استمع اله واظحك على عقله شلون تفكر بهل شي وهيه تدري حبه متربع بكلبي آخر شي جريته الحظني وسكتته كتله وج خبله انتي شتحجين شنو الناس شنو الأطفال لج بابا انتي روحي من الدنيه انعل ابو الأطفال لابو الناس لابو اليحجي أني لو ما انتي تأجلين جان هسه احنه متزوجين من زمان هسه انسي كلشي الاسبوع الجاي احنه مخطوبين سمعتي رفعت راسه بأيدي اباوع على عيونهه سمعتي حجيت بقهر هزت راسه بأي رجعنه للبيت وصلته ورحت البيتنه قررت خلاص اخطبه واخلص غرفه عندي اذا مقبلت نعيش بيتهم واذا ماكو نأجر بيت شغلي وشغله ونعيش احسن عيشه نمت واني ميت فكره براسي ثاني يوم انتظرت صارت بلعشره ماكو اشتغل وعيني على الباب للظهر هم ماكو تخبلت خابرت ماكو جهازهه مغلق مر اليوم بليل خابرت هم مغلق انجنيت ألف مره يمكن خابرت هم ماكو ثاني يوم رحت البيتهم دكيت ماكو بحجة اريد اشتري كيكه محد طلع مرت يومين تلاثه اسبوع هم ماكو بعد الأسبوع رحت على بيتهم شفته مفتوح ناس طابه ناس طالعه اكو تيل كبال بيتهم وكفت يمه كلت اتخف الناس واروح عليهم بس بلع** الناس بدت تزيد صارت الساعه ثنتين الظهر اجو بنات يمي سألتهم حبيباتي اليوم شعدهم بيت ابو رباب كالوا عمو اليوم عرس رباب عبالي ماسمعت كلت شنو شبيك عمو رباب أم الكيك اليوم عرسه عافني وراحن البنات واني بقيت جامد بمكاني بعد ما احس ابرد او حر صرت مثل هذا التيل الواكف هنا ماعرف شكد مر عليه من وقت بس حسيت بسيارات وكفت بابهم هورنات ودك وركص واني عيني على الباب بس اريد اشوفهه اكيد غلطانات البنات مو عرس رباب مستحيل تعوفني اجت سيارة العرس حمره ومزروقينه بألوان ونفاخات وكاتبين حرفين بيه حرف H و R بقيت منتظر اشوفه بعيني دقايق طلع العريس بقيت أقارن بيني وبينه اسمر سمين شعره خفيف ولا اكو مقارنه بيني وبينه ماسك بأيده رباب أي هاي رباب رغم مغطين وجهه بس كلبي حس هيه رباب صعده بلسياره مرو من يمي واني باقي متسمر لا حركت ايد ولا رجل بعده ماحسيت على شي فتحت عيوني كلش ثكيلات اسمع صوت تك تكه يمي اشتميت ريحة ديتول شفت بياض كدامي ردت اشيل ايدي ماكدرت سمعت صوت ابويه وامي يحجون فتحت عيوني حسو عليه صاحت امي كمال يمه كعدت ركظ ابويه يصيح للطبيب بعد فحوصات عرفت صارلي شهر بغيبوبه من الشمس والصدمة بقيت اسبوع بلمستشفى بعده طلعت كرهت الشغل وكرهت البيت وكرهت حته شكلي تمنيت ما اكون بهذا الجمال بعد شهر اج عليه صديقي سلم عليه أو ودعني كلي أني رايح للحشد كتله الي يروح للحشد يموت والله يخوي الاعمار بيد الله حبيت الفكره ثاني يوم رحت اتطوعت واجيت لهنا التفت عليه وكلي علاوي شنو ذنبي اني ها ليش تعاقبني على شي مالي دخل بيه ليش علاوي لو معاقبتني على طبعي على أخلاقي على وظعي مو على شي أني مالي دخل بيه الله الخالقني علاوي راح اتخبل يعني هيج انسانه تترك كلشي بسهوله علاوي هيه علمتني على كلشي حتى امي معلمتني بكده فهمت الدنيه صح وياهه صعب انساهه لا مستحيييييييييل انساهه شفته اتهستر عيونه جضحن ليفوك دموعه تجري جسمه كام يرجف مثل السعفه لزمته من خدوده وكفت راسه وخليته يباوعلي وكتله اهدئ كمال اهدئ كافي بجي انت زلمه والزلمه ماتبجيه مره اسمع يخوي اريد احجي وياك حتى لا تزعل مني بس تره البنيه اله حك شلون علاوي اله حق تعوفني لا بس تره البنيه فاهمه او واعيه رغم هيه تحبك وانا متأكد من هذا الشي بس تره الي سوته صح يعني المره تكبر بسرعه ويتغير شكله وانت الله ذاب عليك الجمال ولو تزوجتو وصارت الك راح يتغير شعورك هذا وخاصه من تشوف البنات الأصغر منهه وهيه تكبر وتتغير مراح ترتاحون اكيد هيه تحبك بس هيه فكرت للمستقبل وكالت اختصر عذابي دنك مسح

Free reading for new users

Scan code to download app

App Store Google Play

Facebookexpand_more