الفصل الرابع

2270 Words

البارت الرابع ايام لا تحتسب #طائر_بلا_تغريد صعدنه بلسيارات والشباب تركص كعدت بلسياره اكعد عمي هنا يمي ألف رحمه على هلك تسلم عمي ابو ابو فلاح كل الهلا بيك عمي انا علي هلا بعلاوي شوف هاي الشباب تكول رايحه العرس عمي ابو فلاح العراق كله خير وملحه يغزر أي وعلي الفحل انا لو مسولفيلي على هاي الشباب فلا صدكت بس شفتهم بعيني ويكلولك لا تتطوع بس ذوله شباب يعمي شجابك عليهم حجيت بظحك ههههه هههه صح وانا عمك بس الحرب ما تريد بس اليض*ب بلرشاشه تريد اليوكلهم خبزه والي ينظف الهم صح انا مابياش اشيل تفكه بس اكدر اخبز واطبخ وكله خدمه للوطن والله حجيك ذهب العراق هسه محتاج كل واحد حتى الأطفال محتاجيهم دنكت طلعت كالدتي التعريفيه لزمه وكال ها يعمي جنت بجيش صدام انت بس موش جبير انت لزمت الكلاده بيدي وكتله لا عمي هاي موش الي هاي جانت لبوي الله يرحمه من جان بلجيش من مات خذته انا كلت لازم يجي يومهه وهل اج يومهه عليهه اسم ابوي أي جان الجيش مرتب كبل كل عسكري عنده هاي الكلاده خاطر الا استشهد يعرفونه منهه سكتنه شويه نباوع للشباب تعبت وكعدت وصلنه نص الدرب صار هدوء الي نام والي يلعب بلمبايل والي واكف يباوع من سياج السياره اكول علاوي صاح ابو فلاح ها عمي كول انت متزوج لا والله بعدني شعجب والله يعمي من مات ابوي وانا متحمل مسؤلية اهلي وخالف يمين ما اتزوج غير لمن ازوج اخوي واختي الله يبارك بيك وخوك هسى وين اوووووف عمي اخوي كاسر ظهري ليش يبعد عمك سولفلي سولفتله كلشي......... وانا هسه ماشي بلجن الكالي خيط يوصلني لخوي الله كريم يبويه لو جان عدل لازم تتلاكون ان شاء الله مرت ساعات وصلنه ابو غريب هناك لكينه سيارات واكفه وجيش مستعد يتحرك اول ما وصلنه سلمونه سلاح وهدوم وصعدونه بلسيارات ابو فلاح ماقبلوا كالوله رجال جبير لازم ترد لهلك سلمت عليه وركبت بلسياره وعيني عليه خطيه راح يردونه وفجئه اليوم شفته كبالي شفته من بعيد عرفته ركظت عليه مبين عليه تعبان وجه اصفر كتله ها عمي ابو فلاح شلونك خله ايده على عيونه يركز كلي هلا بعد عمك انت منهو كعدت كباله كتله انا علي اجينه انا وياك من العماره لزم ايدي وهو يكول هلا يبعد عمري هلا بلعزيز شلونك اخبارك الحمد لله انت شلونك شجابك هنا موش ردوك لا يعمي انا جاي وبالي الشهاده منهو يردني بعد ما خذوكم كالو انتو ردو انا وياي شويب انا كعدت الهم كعده كتلهم يا تاخذوني يا امشي وحدي هههه عاد همه خذوني وياهم صرت اوزع ارزاق للجيش وهذي وحدتي جنه جايبين ارزاق الفيلق ال ..... وسوولنه كمين الجلاب وهمزين الله وانتو جيتونه الله يحفظك عمي ويطيك الصحه الله يسلمك بشر اخوك مالكيته لا والله عمي مامش خبر عنه اكلك كبل مده جنه بقريه صوب النهر وسمعت من ولدهم جايين عليهم جم واحد من الحشد صدك وين هسه همه ماعرف بس الي اعرفه شاردين من داعش جم طالب وجايين على منطقه يمكن اسمهه العلم ناحية العلم أي أي هيه زين معرفت بعدهم هناك طلعوا لا والله ما عرفت زين عمي ألف شكر يارب تكدر تلكه اخوك يارب رجعنه بعده للمقر حجيت للولد كتلهم يولد انا سمعت خبر يكولون اكو شباب من سبايكر رايحين على ناحية العلم أي بلكت اخوك وياهم كال عمر ان شاء الله وهسه راح اشوف القائد حته اروح وين تروح الناحية العلم أي بس هاي المناطق بعده خطره لازم اروح ما اكدر ابقه بعد لعد نروح وياك كال كمال أي نروح وياك رد عمر وانا هم نروح وياك كاكا علي ما نخليك وحدك لا يخوتي هلشغله خطره واذا خطره قابل نخليك وحدك وداعتك للموت وياك صاح كمال طبعا حيل إثر بيه هلموقف شلون وكفو وياي الله لا يحرمني منكم يارب دخلنه على القائد كتله سيدي انا سمعت خبر عن اخوي لناحية العلم ولازم اروح اتأكد بس هلمناطق بعده ما محرريه مو مهم لازم اروح اتأكد سيدي واحنه نروح ويا كال كمال انتو هم ترحون أي سيدي لازم نروح ويا ارجوك سيدي هذا خوينه شلون نخليه وحده نتر عمر وانا هم اروح سيدي كاكا علي عزيز علينه هز راسه القائد وكال والله والنعم منكم من اخوان صدك العراق بعد بيه كل الخير شوكت قررتو تتوكلون باجر الصبح ان شاء الله تمام قبل لا تطلعون مرو عليه أن شاء الله سيدي ثاني يوم الصبح رحنه على القائد دكينه الباب تفظلو السلام عليكم سيدي وعليكم السلام يشباب الله شاهد انتو نعم الرجال عاشرتكم وشفت شنو معدنكم اتمنى ترجعون بلسلامه ونكمل تحرير العراق سويه ان شاء الله سيدي اذا الله كاتبلنه الحياة راح نرجع ونكمل سوه جاوبت انا ان شاء الله هاك علي هذا لاسلكي اخذه وياك اذا احتاجيتو شي بس اتصل علينه وهاي ورقه لا سامح الله اذا استشهد واحد منكم راح تثبت انتو طلعتوا بعمليه تابعه النه ليش يروح تعبكم بلاش حقيقه تفاجئنه بكلام القائد ضل واحد يباوع على الثاني تشكرنه منه وطلعنه بقينه نمشي مسافه لحد ما وصلنه الشارع اجت سياره مال جيش اشرنه اله وكف السلام عليكم خيي وعليكم السلام ها شباب وين رايحين كتله انريد الناحية العلم صفن شويه وكلي اصعدو بس تره ما اكدر اوصلكم للناحيه بس اكدر اوصلكم المكان قريب عليهه وين ما تذبنه انعمله كله عمر صعدنه ويه الولد طلع من اهل الرمادي ملتحق بلجيش وصلنه المنطقه قريبه على ناحية العلم كال لهنا بعد ما اكدر ادخل امشو بهذا الطريق ويوصلكم تشكرنه منه ومشينه بقينه نمشي فتره طويله كال عمر اكلكم يمكن تهنه يولد والله شكلك يمكن جاوبت كاكا امشو بلكت نلاكي ناس هههه كاكا ازاد وين تلكه ناس بهل زلك كله كمال ازاد.... شنو زلك ماكو مطر حته تصير زلك الكاع هههههه ضحكته على حجي كاكا ازاد كتله معليك كاكا هذا يخبص بلحجي صاح عمر.... يولد يمكن ذيج خيمه باوعنه أي والله صهوه كتلهم شنو صهوه .... سألو تلاثتهم هههه خيمه خيمه يلله مشونه اي مو كلت خيمه بعد شني صهوه نتر عمر ظحكت ومشينه لحد ما وصلنه الخيمه وكفنه خيمه نظيفه ودلال مصطرات وجهال يلعبون يمه تقربت عليهم كتلهم السلام عليكم رد واحد منهم والبنيه ركظت طبت للجانب الثاني وعليكم السلام ابوك وين ابوي ماهو هين بس عبدالله هين عبدالله منو اخوي زين روح صيحه ركظ الولد وره شويه رجع ويا ولد شويه اكبر منه لابس شماغ وعكال ومحزم بيه مسدس كال منهو انتو وشرايدين احنه ظيوف هلا بلظيوف لاجن انتو ظيوف الرحمن ولا ظيوف الشيطان من كونكم ظيوف الرحمن هلا ورحب بيكم وجثير الهلا عين غطى وعين فراش لكم لاجن ان جنتو ظيوف الشيطان لا والله مالكم عدنه غير هذا طلع سلاحه وجهه علينه الولد ما فهمو شي من حجيه اشرت الهم اتهدو خلوني انا احجي انا فهمت حجيه لان قريب على حجينه كتله لا والله ظيوف رحمن وداخلين على الله وثم عليكم ابتسم عبدالله ونزل سلاحه وكال يا هلا وجثير الهلا ودخلتكم على الله ثم علينه تفظلو ارتاحو وتزودو وهسى يجي ابوي ويرحب بيكم دخلنه تمددنه واحنه تعبانين من المشي والولد واحد صافن على الثاني كلشي ما فهمو من كعدنه كال عمر بروح ابوك شنو رطنتو انت ويا أي علاوي فهمنه حجه كمال كاكا علي فهمنه حباب ههههه ولكم شبيكم الولد كال ......... سولفت الهم الي حجينا كمال ......هههه خرب يومك علي كلش زين من فهمت عليه عمر... ولك انا نشف الدم بيه من شفته جر سلاحه كاكا ازاد..... احنا وكفنه مثل الأ**ش بلعرس بلزفه ولك ازاد بلزفه مو بلعرس فهمه كمال هسه بلزفه بلعرس اهم شي طربكه .. جاوبه ازاد ههههه صدك عود اهم شي طربكه ..كتله شويه رجع عبدالله ويا رجال متوسط بلعمر يشبه عبدالله عرفته ابو صاح ياهلا بظيوف الرحمن اعذرو وليدي تراهو من الشافه خاف من كل واحد يتكرب يم هلا لا خيي حقكم كاعدين بهاي الهيمه والدنيه موش امان وهاي الحرب كريبه عليكم والله ياخوي نحنه مالنه بلحرب لا ناكه ولا جمل عايشين على تربية هل ح*****ت هاذ ولا نكرب للمدينه ولا نوصل بس نسمع الهرج من نشغل الراديون وصارو يمرون من صوبنه ناس ماعرف شنهي خلكهم جنهم وحوش أي والله جنهم وحوش عز الله ماهم بشر ابد أي والله صح وحوش ماعرف منين لفولنه رجع عبد الله صب النه كهوه وطلع هو وأبوه بقينه نسولف انا ولولد لحد العصر جابو النه الاكل ماشاء الله تمن وعليه ذبيحه كامله بقينه صافنين تفظلوا يخوتي اكلو وبعده نكعد نسولف كعدنه عل صينيه اكلنه لمن شبعنه فعلا جان الأكل كلش طيب لحد هسه طعم الأكل بحلكي جذب اكل مثل ما اكلت بيومهه والربع هم ما صدكو وكع على الاكل ههههه بعد الاكل كون هسه بطل بطل ببسي كال كمال هههه لا ولك كون سوده رد عمر نب ازاد لا كاكا كون موطه هسه ههههههه لا خوب تردون بلنكو هههههه خرب يومكم على هاي الطلبات شويه جابو جاي وكهوه نمنه شويه صار المغرب صلينه وصبو العشه هم مثل الغده يابه ولكم انا بعده اكل الغده ما هظمته حجيت انا كمال ....وانا هم ما تشتهي عمر... ولكم اكلو منو يكول بعد نشوف هيج اكل ازاد..... لا انا اكتفيت من الأكل ابو عبدالله يصيح يلله تفضلوا وعبدالله ينكل الخبز والروبه واللبن كتلهم عيب يابه لازم تاكلون لان يعتبرونه انتقاص من الضيافه تقربنه على الاكل اكلنه الي كدرنه عليه بعد ما شربنه الجاي وبعده الكهوه كال ابو عبدالله أي يلخو سولفلي سالفتكم كتله والله يبو عبدالله احنه سالف*نه ........ بعد ما كملت صفن وباوع عليه وكال والله يخوي سالفتكم سالفه تره انتو مظيعين الطريج ناحية العلم موش منا كلش شامرين انتو والله عرفت كال عمر وهسه شلون ابو عبدالله لا تخافون ناموا اليوم هنا ومن الصبح اخذكم بلسياره اود*كم الناحية العلم تسلم والله خيي عشت كتله خلولنه فراش نمنه من التعب ماعرف بيش الساعه صارت بلوحده بلثنتين حسيت واحد يصيح عليه عمي علي عمي اكعد وكعد ربعك شلت راسي عبدالله واكف على راسي ولا بس سلاحه لحظات خفت منه بعدين كلي لا تخاف عمي كعد ربعك لازم نطلع هسى منا داعش راح يوصل لينه ولازم اطلعكم منا هسه فزيت كعدت الولد وانا اسولف ويه عبدالله ولكم اكعدو عمر كمال ازاد بسرعه جا وين ابوك عمي ابوي اخذ اهلي وراح وكلفني بيكم ولكم اكعدو خرب غيرتكم خير علي شكو ولكم كومو لازم هسى نطلع منا داعش جاي علينه فزو لبسو همومهم وطلعنه سيارة الحلال صعدنه بيهه بين الحلال غطونه بطانيه ملحه كال من ادك الجام مال السياره تنزلون جوه البطانية مشت السياره ساعه اكثر الليل بدء يخلص شويه اندكت جامة السياره ركظنه جو البطانية بنص الطليان وكفت السياره سمعت حجي بيهم عرب وبيهم عراقيين شويه اجو يم البدي مال السياره واحد كال جيب هذا الخروف وذاك هم هاي ظريبه لجنود داعش كدامكم كال عبدالله نزلوا طليان واحنه تحركنه الحمد لله ما انتبهوا علينه لان دنيه ليل ومتغطين ما شافونه مشت السياره يمكن ساعتين بدت الشمس تطلع واحنه ماكو دعاء ما دعينا ماكو ايه حافظيه ما قريناهه وكفت السياره نزل عبدالله كال يلله عمي انزلوا صرتو بأمان ألف رحمه على البطن النكلتك حجيت تدللون عمي هذا الطريق إلى لزمتوا راح يوصلكم الناحية العلم ابوي يسلم عليكم ويكلكم ان شاء الله ما قصرنه وياكم تقربت يمه حظنته وكتله حشاكم من التقصير عمي والله كفيتو وفيتو عمر .... سلم النه على ابوك وكله للموت ما ننسه وكفتكم ويانه كمال .... والله عمي رجال وابد ما قصرتوا ازاد ..... كاكا عبدالله ابد ما انسى اكلكم ههههه طكيناهه ظحكه كال ازاد والله ماقصرتوا ألف شكر الكم ركب سيارته ومشى باوعت على الولد وكتلهم يلله يخوتي شدو العزم مشينه بلطريق الاكل عليه عبدالله بدينه نقترب من بساتين ونخل بعدين شفنه بيوت اجو علينه شباب مسلحين كالو الله يساعدكم الله يسلمكم جاوبت منهو انتو وين رايحين كتله احنه خطار عليكم وعدنه طلب يم شيخكم اول شي لازم نفتشكم حتى ندخلكم باوعت للولد كتلهم عادي فتشو بس تره عدنه سلاح بعدني ما كملت انرفع علينه اكثر من عشر اسلحه رفعت ايدي اهديهم كتلهم لا تخافون راح انسلمه الكم ماعدنه شي وياكم تعالو فتشونه واخذو السلاح اج ولد بدء يفتش واحد واحد طلع اسلحتنه عدنه كل واحد مسدس واخذو جهاز الأرسال وكال يلله امشوا ورايه مشينه ورى مسافه وصلنه المظيف جبير دخلنه لكينه زلم كاعده السلام عليكم كلنه وعليكم السلام ورحمة الله وبركاته ياهلا بلظيوف تفضلوا حدرو هين كعدت وبصفي الولد كعدوا جابوا كهوه شربنه كال واحد منهم عرفته شيخهم اعذرونه على استقبالك بس انتو شايفين الدنيه شلون صايره لازم ناخذ حذرنه حقكم عمي جاوبت اي سولف يخوي كال الشيخ والله يشيخ هاي سالفتي ...... صح يخوي جان عدنه جم طالب من القاعده اجو كلمن وحده لو يشرد من السياره لو يشرد من القصور وحتى اجانا واحد طاكينه جيله وخاطيته وهم حسبالهم ميت بس يخوي ماعرف اخوك منهم لا زين عمي وين راحو والله يخوي احنه مانكدر نخليهم عدنه هواي من حيت ناحيتنه كريبه من تكريت وكل شويه داخلين علينه داعش يبقون عدنه جم يوم ويرحون وين يرحون احنه نطيهم زواد وفلوس ونخليهم على طريق حمرين وهمه بعد وربهم أها زين وره تلال حمرين شنو تلال حمرين توصلك لصلاح الدين كتله خوش واظنهم يرحون الصلاح الدين لو يردون البغداد ماعتقد يرحون الصلاح الدين اكيد يردون البغداد كال كمال اكيد همه طريقهم البغداد بس مانعرف شنهو الي ينتظرهم بلطريق لأن هذا الطريق صاير معبر للدواعش تمام التفتت على الولد وكتلهم هسه شنو رئيكم كمال كال خويه نمشي بلطريق الي مشو بيه الولد ونشوف وين يودينه التفتت العمر او ازاد ها وانتو شتكولون مثل راي كمال جا خوش توكلو على الله ومشونه لا يعمي شلون تطلعون من غير آجل وزواده انتظرو دقايق وراد ليكم بعد ما اكلنه وحملونه اكل وماي وصلونه للطريق بقينه نمشي اكثر من ساعتين الطريق ترابي وكله حفر تقريبا صارت الدنيه الظهر سمعنه صوت سياره ورانه التف*نه لن سياره بيكب بيه اربع دواعش اسمعوا يولد لحد يتحرك خلوني أني اتفاهم وياهم وصلو يمنه نزلو لبسهم وشكولهم تلعب النفس حجه واحد منهم بلهجة شاميه كال منو انتو وشعدكم هنا احنه جايين من ناحية العلم ورايحين لصلاح الدين وشعدكم بصلاح الدين اهلنه هناك وعوائلنه تقربوا علينه صارو يفترون داير مدايرنه تقرب واحد منهم على كمال لزم كمال من وجهه وبقه يباوع عليه كله وانت يا حلو من وين باوعت الكمال صار قطعه حمره من الغظب ماحسيت غير كمال ساحب سلاح الداعشي وب*ربه كومه بلكاع بعد ما منه تفكير لو نكتلهم لو يكتلونه جرينه سلاحنه وصوبنا عليهم كمال رئسن رمه على الدواعش، واحد وكع من وكع طلعت من سلاحه رصاصه احنه رمينه عليهم كومناهم بلكاع التف*نه ونشوف كمال واكع بلكاع وسابح بدمه يتبع اتمنه منكم تصوتون رجائا صوتو على البارتات وعلقوا وناقشوني تره من تعليقاتكم يصير عندي واهس للكتابه اختكم #طائر_بلا_تغريد

Free reading for new users

Scan code to download app

App Store Google Play

Facebookexpand_more