الفصل 14
هتفت بخجل وتأنيب ضمير أستعر داخلها الآن عندما تذكرت كيف جرحته بعد ما سمع حديثها الأخير:
_ يزيد.. أنا عارفة إني جرحتك، وكنت فظة وقليلة الذوق جدًا في اسباب رفضك! أرجوك سامحني أني أذيتك من غير ما احس ولا اقصد والله.. وبعترف إني ظلمتك أكتر اما وافقت اتخطب ليك وانا مش حاسة ناحيتك بعاطفة توازي حبك الكبير اللي كنت شايفاه.. وكان الافضل ارفض وابقى واضحة معاك..مش اعلقك بأمل ضعيف! وكأني بلعب بمشاعرك عشان بس احقق رغبة لأمي وأبويا وا**ب رضاهم على حسابك!
وواصلت ببريق تمني صادق:
يزيد! رغم قساوة إحساسك اللي فاهماه أكتر دلوقت، بس يمكن اللي حصل خير ..انت تستاهل واحدة تحبك بجد، وماتشوفش فيك عيوب، لأن اللي بيحب مابيشوفش في التاني عيب.. قلوبهم بتتألف وتتوحد بنبض واحد وگأنهم تؤام..! من حقك زي ما هتدي مشاعر قوية تاخد أكتر قصادها.. وانا غصب عني مقدرتش اد*ك حاجة.. لأن ماكانش جوايا ناحيتك اللي يخلين
