After two weeks:
Naging mas maayos ang takbo ng relasyon ng dalawa. Mas lalo nilang naunawaan ang isa't-isa. Subalit para kay Gwendolyn ay kailangan pa rin nilang pag-usapan kung ano ba mayroon sila.
Kahit na nasasanay na rin siya sa mga paglalambing ng binata. Subalit mas gusto niya na maging maliwanag ang lahat.
Yes, mahal siya ng binata at mahal niya din ito. Ngunit walang label ang ugnayan nila. Hindi naman nanligaw ang binata para sagutin niya. Basta na lang itong nagpahayag ng pagmamahal sa kanya.
At siya naman dahil may pagkarupok siya ay hinayaan niya si Howell na mahalin siya.
Dahil sa mga araw na lumipas ay sobra siyang naging masaya.
Napakamaalaga at sobrang cariñoso si Howell sa kanya. Maliban sa hatid-sundo siya ng binata ay araw-araw siya nitong binibigyan ng bulaklak
