Nanlaki ang kanyang mga mata sa sinabi ni Becca. "Seryoso ka ba?"
Nakangusong tumango ang babae. "Seryosong seryoso. Sana lang namundok siya para makamove-on at hindi para bumuo ng samahan at bababa dito para tuparin ang ibinanta niya sayo. Naku, iniisip ko palang ang bagay na iyon, kinakabahan na ako!" Tila nanginginig pa sa takot nitong sambit.
Bigla tuloy siyang nawalan ng ganang kumain. Imbes na maayos ang samahan nila ni Ryder dahil mabait ito sa kanila ng kanyang Lola, binigyan naman siya ni James ng alalahanin.
Napapitlag siya nang maramdaman niya ang pagpisil ni Becca sa kanyang kamay. "Wag mo masyadong isipin ang mga sinabi ko Malia. Opinyon ko lang naman iyon at malaki ang tsansa na hindi magkatotoo. Mabait kang tao kaya hindi hahayaan ng Diyos na may mangyaring hindi maganda
