Kasalukuyang nakahiga na si Meng nang gabing iyon. Doon siya matutulog sa kuwarto ni Yñigo. Nakatalikod siya sa pinto ng kuwartong iyon kaya naman hindi niya nakitang pumasok doon si Calix. Naramdaman niya ang pag-uga ng kutson nang umupo roon si Calix. Hindi niya na ito nilingon sa pag-aakalang si Yñigo iyon.
"Meng..."
Pipikit na sana si Meng nang marinig nito ang boses na iyon. Sa tagal na rin nilang magkakasamang tatlo, halos nakabisado na niya ang boses ng bawat isa. At hindi siya maaaring magkamali, boses iyon ni Calix. Pinili niyang 'wag lumingon at magpanggap na tulog na kaya naman mabilis niya ng ipinikit ang mga mata.
"Alam ko, sobra-sobra ang sama ng loob mo or galit mo sa akin ngayon. Pero gusto kong humingi ng tawad sa 'yo. I crossed my line. Pero gusto ko ring malaman mo, n
