"Help, help me!" sumisigaw na wika ni Ashton habang karga ang dalaga papasok ng ospital. Kanina pa kasi ito walang malay at nangangamba siya sa pinsalang natamo nito sa kanyang ulo.
Agad naman siyang inalalayan ng mga nurse at agad na inasikaso ang dalaga, habang si Ashton naman ay pilit na kinokontak si Jamie ngunit naka off ang cellphone nito kaya hindi niya ito makausap.
Tiyak na magagalit sa kanya ang dalaga kapag nalaman nito ang nangyari kay Ivy. Lalo pa at pinapabantayan ito sa kanya.
"Kasalanan ko lahat ito eh, kung hindi ako umalis doon hindi ito mangyayari..." malungkot na wika ni Ashton habang nakatanaw sa dalaga at paulit-ulit na hinihiling na sana ayos lang ito at malayo sa kapahamakan dahil kung hindi ay yari siya kay Jamie.
"Excuse me, kaano ano ni'yo ho ang pasyente?" m
