"Miss Jamie, naipabook na kita ng flight at bukas nang alis mo." ani Ashton sa kanya ng magkausap sila.
"Thanks, Ashton, maaasahan ka talaga."
"You're welcome Miss Jamie, kaya nga lang may isa pa tayong problema."
"Ano 'yon?"
"Si pulis na nagmamanman diyan sa labas ng bahay. Mukhang desididong mangalkal ng impormasyon sa buhay natin, partikular na sa'yo. Sinubukan ko siyang paalisin kanina pero ayaw niya. Bakit daw parang may tinatago tayo at ayaw nating nandiyan siya. To make the long story short, hinayaan ko na lang siya diyan."
"I wonder kung sino ang nagsugo diyan para magmanman o bantayan ako. Hindi siya ang dapat na nagiging sakit ng ulo natin. Madami pa tayong dapat na gawin. Lalo na dun sa nagpadala sa atin ng flashdrive. Until now hindi pa natin alam kung sino yun. Pero may i
