Habang kumakain ay kapansin-pansin ang pagpapa-cute ni Marian kay Clark, habang ang binata naman ay naiilang sa ginagawa ng dalaga. Kung gaano asikasuhin ng binata si Jamie ay ganon din kung mag asikaso si Marian kay Clark na para bang pilit na kinukuha nito ang atensyon ng binata. Sina Ashton naman ay napapatingin na lang sa kanya na wari bang nagsisimula ng magduda kung kalmado pa ba siya o mananapak na. Pero dahil naroon ang mommy at daddy niya ay todo ang pagtitimpi na ginagawa niya. Hangga't maaari ay ayaw niyang makita siyang nagwawarla ng mga magulang dahil baka magtaka ang mga ito.
"Hi Ateng mestisa, hindi ka po ba nagugutom?" Hindi makatiis na wika ni Nene.
"Ha? Bakit?" takang tanong ni Marian.
"Kasi kanina ka pa po nagpapapansin kay Kuya Haphap, kahit na dinededma ka na. Baka
