Isang linggo mula ng umalis sina Matthew ay naging busy si Knight sa hotel, malimit niyang naiiwan si Lemon sa bar. Ayaw kasi nitong sumama sa kanya, tuwing magtutungo doon.
Nasa loob ng kwarto ni Knight si Lemon ng mga oras na iyon, at naglilinis. Wala naman siyang ibang gagawin. Sa loob naman ng bar ay malinis na, bago iwan ng mga empleyado ni Knight. Kaya naman wala na rin siyang lilinisin doon.
Pinalitan niya ang kobre kama, kumot, punda ng unan at kurtina. Dahil automatic washing machine naman ang gamit ni Knight ay nilabhan na rin niya iyon. Tinuruan naman kasi siya ng kasintahan para magamit iyon.
Habang umiikot ang mga nilalabhan niya ay naglilinis na rin siya ng banyo. Malinis naman ang loob ng banyo kung tutuusin. Dahil pagmaliligo siya ay isinasabay na rin niya ang paglilinis
