Nakaupo sa may pintuan ng opisina niya at nakatingin sa malawak na parking lot. Ganoon ang pwesto ni Knight ng maabutan ito ni Paul. Tulala at hindi pa yata napapansin ang pagdating ng kaibigan.
"Kabalyero." Bati ni Paul na hindi man lang niya nagpagtuunan ng pansin.
"Tutulala ka na lang ba dyan? Sa halip na kape ang iniinom mo. Alak ang ginagawa mong kape. Nagpapakamesirable ka dahil sa pagkawala ng lemonada mo. Pero dapat nga inaayos mo ang sarili mo. Para pagnagkita kayo, hindi umiyak ang lemonada mo dahil sa kamesirablehan mo."
"Wala pa bang balita si Det. Santos?" Tanong niya na hindi man lang pinansin ang sinabi ng kaibigan.
"Ang haba ng sinabi ko, pero mukhang hindi mo narinig. Wala pa. Napuntahan na rin ni detective ang bahay noong tatlong kaibigan ni Lemon mo pero bigo. Iniisi
