السادس و السبعون
قاومت دموعها و قالت له : و هى نهى اللى تستاهله و تقدره ؟ دى قذرة و صرخ فيها و قاطعها : دى ضفرها برقبتك بنت محترمة و متربية ملهاش أهل صحيح لكن كل البلد بتحلف بأدبها و أخلاقها زى ما بتلعن قلة أدبك و عارك اللى دفنتينى بيه مرة بعد مرة و يا ريتك خدتى راجع كمان ما كفكيش خنتى الراجل اللى صانك و رحتى تتفقى مع واحد قذر و طعنتينى انا و هو فى قلبنا بسكينة باردة صرخت فيه بقهر بعلو صوتها : اقسم بالله العظيم ما حصل أنا مظلومة قام من مكانه بغيظ و هو بيقول : مفيش فايدة منك هتفضلى زى ما انتى كنت متوقع تترمى تحت رجلى و تطلبى السماح و تعتذرى بدل البجاحة بتاعتك دى و سابها و هى لسه منهارة زى ما هى و متأكدة انها مهما حاولت محدش هيصدقها لأنها للأسف مفيش معاها اى دليل و لا هى أهل ثقة ليهم عشان يصدقوها ع** نهى اللى بيثقوا فيها ثقة عمياء يا ترى هتقدر ازاى تثبت براءتها حتى لو إبراهيم مش راج
- Writer
