فى بيت رامي
رجعت شروق لبيت رامى و الحقيقة المرة دى كانت
مختلفة حتى رامى كان غير قبل كده
عرفت من والدته إنه رجع شغله مرة تانية
و ده خلى نفسيته بقت أفضل و حس انه اترد
اعتباره سألتها شروق عن وفاء و عرفت منها
إنه معدش بيجيب سيرتها بأى كلام و إنها لما سألته
عنها قال لها إنها اتجوزت و مكنش باين
عليه تأثر كبير زى قبل كده واضح إنه بدأ
يتعافى من آثار حبها و يرجع تانى لطبيعته
كانت لسه محرجة تخلع حجابها قدامه
لكن والدة رامى رفضت و طلبت منها تلبس
بيجاماتها و لبسها العادى من غير طرحة
رفضت شروق فى البداية و حست بخجل
و خوف يفكر إنها بترمى نفسها عليه بالطريقة دى عشان يتمم جوازه منها و يفهم إنها بتدبسه
فيها
رجع من شغله لقى كل حاجة جميلة و مختلفة
ريحة المعطر و النضافه ممزوجة بريحة طبخها
الجميل و لمعة الفرحة فى عيون والدته
كانوا قاعدين على الكنبة بيلعبوا لعبة كونكت فور
كانت بتاعت رامى
