Akala ko hindi ko mapapa-alis si Senyorita Daphne dito sa loob ng mansyon kanina. Mabuti na lang at takot siyang ipakaladkad ko sa mga guard na tinawagan ko. Sabagay, hindi talaga ako nagbibiro. Talagang ipapakaladkad ko siya dahil ayaw niyang tumigil sa pagsasalita ng malakas. Natatakot tuloy si Santino sa kanya.
Kanina ng nandito siya. Nakaramdam ako ng takot.
Takot na baka isang araw ay umuwi na siya dito sa bahay sa pahintulot ni Senyorito Simon. Ngunit sa kabila ng takot ay sumibol din ang tapang sa akin. Hinding-hindi ako papayag na tumira siya dito. Ako ang asawa ng asawa ko kaya walang sinumang makakaagaw ng trono ko at ng anak ko sa bahay na ito. Kami lang ni Santino ang may karapatan na tumira dito.
"Anong ginawa mo at hinarang ako ng mga security guards ng subdivision dahil
