Na miss ko ng sobra ang buong hacienda. Pinasyal ko si Santino sa lugar na aking kinalakihan. Namasyal din ako sa mga itinuturing kong kaibigan tulad ng mga naging kaklase ko dati. Nakakainggit nga sila sapagkat hanggang ngayon nag-aaral pa rin sila at tinutupad ang kani-kanilang mga pangarap. Naiinggit ako ngunit mas mahalaga si Santino sa lahat ng mga naging pangarap ko dati. Hindi pa naman siguro huli ang lahat. Maaaring natigil ako sa pag-aaral ngunit hindi naman ako tumitigil mangarap at umaasa akong matutupad ko pa rin ang lahat pagdating ng tamang panahon. Sa ngayon, si Santino at si Nanay ang mahalaga para sa akin. Sinilip ko rin ang sariling bahay namin ni Nanay kung saan kami dating naninirahan. Naluha ako ng masilayan muli ang aming tahanan. Tahimik at puro tuyong dahon ang maki
