Narinig marahil sa buong kabahayan ang malakas na halakhak ni Senyorito Simon. Animo ay batingaw ng kampana ang kanyang boses na lumaganap sa kailaliman ng gabi.
"Bilib na talaga ko sa kapal ng mukha mo! Pinagpipilitan mo pa rin ang bagay na yan! Saan ka ba talaga kumukuha ng lakas ng loob para panindigan ang mga kasinungalingan mo. Wala na si Lola. Wala ka ng dahilan upang magpanggap na isang Santa. Wala ng pupuri sa huwad mong kabaitan. Kaya hubarin mo na ang maskara mo at ilabas mo na ang ikinukubli mong mahabang sungay." Asik niya sa akin.
"Hindi ako nagpapanggap na isang Santa at wala akong tinatago na sungay. Anak mo si Santino at pagpipilitan ko 'yun hanggang sa matanggap mo," sagot ko rin. Hindi ako magpapatinag sa kanyang mga sinasabi.
"Hindi ko siya anak. Kaya wag mo ng ipagp
