Episode 74
"Pwede ba Senyorito, ihina mo nga yang boses mo at baka may makarinig sayo," bulong ko sa kanya pero malinaw ang pagkakasabi ko.
Kunot-noo lang siyang nakatitig sa aking mukha at hindi makapagsalita dahil nga nakatakip ang isang kamay ko sa kanyang bibig.
Medyo nahiya naman ako sa pagka kalapit ng aming katawan. Kaya dali kong tinanggal ang kamay ko sa bibig niya at saka mabilis na dumistansya ng ilang dangkal.
Mabuti na lamang at wala ng nakatingin sa amin at kanya-kanya ng pahinga ang mga tao sa paligid.
"Kumain ka na. Baka malipasan ka ng gutom," may pag-aalala sa boses niya.
"Paano ko kakain? Inubos mo ang baon kung pagkain," sambit ko naman habang pinipigilan na mainis.
"Hayan ang baon ko. Paborito mo lahat ng ulam na aking dala," saad naman niya sa akin at saka umu
