"Ma, dumating po ang tatay ng kaklase ko galing ibang bansa. Ang dami niya pong pasalubong." Kwento ni Seb ng dumating mula sa eskwelahan. Mataman lang naman akong nakikinig lagi sa kanyang mga kwento galing sa eskwelahan araw-araw.
"Ma, kailan po ba darating si Papa? Sana marami siyang dalang mga laruan at chocolates kasi po iyong sa kaklase ko ang dami niya pong chocolates. Meron din po siyang bagong laruan na robot at ang ganda po." Patuloy sa pag kwento si Seb na nanlalaki pa ang mga mata habang inilalarawan ang robot na laruan ng kaklase.
"Hindi ba binilhan naman kita dati ng laruan," sabi ko na lamang at hindi sinasagot ang tanong na kung kaian darating ang Papa niya.
"Ma, iyong sa kaklase ko po malaki ang robot niya at saka po ang astig." iminuwestra pa ni Seb kung gaano ang lak
